బిజినెస్
మిత్సుయి చేతికి రిల్ సంస్థల వాటాలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 17: రిలయన్స్ ఇండస్ట్రీస్ తన అనుబంధ సంస్థ ఈథేన్ హోల్డింగ్ ప్రైవేట్ లిమిటెడ్ (ఆర్‌ఈహెచ్‌పీఎల్) నిర్వహిస్తున్న ఆరు సంస్థల వాటాలను జపాన్‌కు చెందిన మిత్సు యి ఓఎస్‌కే లైన్స్ (ఎంఓఎల్)కు విక్రయించనుంది. సింగపూర్ కేంద్రంగా పనిచేస్తున్న తన అనుబంధ సంస్థ రిలయన్స్ ఈథేన్ హోల్డింగ్ ప్రైవేట్ లిమిటెడ్‌లో ఎంఓఎల్‌తో పాటు మరో వ్యూహాత్మక మైనారిటి ఇనె్వస్టర్ వ్యూహాత్మక పెట్టుబడులు పెట్టేందుకు ఒప్పం దం కుదిరిందని రిల్ ఒక ప్రకటనలో తెలిపింది. ఒప్పందం ప్రకారం, ఆర్‌ఈహెచ్‌పీఎల్ నిర్వహిస్తున్న ఆరు లిమిటెడ్ లయబిలిటి కంపెనీలలో ఈ పెట్టుబడులు పెడతాయి. అయితే ఈ ఒప్పందంలోని ఆర్థికాంశాలను రిల్ వెల్లడించలేదు. ‘నియంత్రణ సంస్థ ఆమోదం తరువాతే ఈ లావాదేవీ పూర్తవుతుంది. లావాదేవీ పూర్తయిన తరువాత ఆర్‌ఈహెచ్‌పీఎల్‌కు ఉన్న స్పెషల్ పర్పస్ వెహికల్స్ (ఎస్‌పీవీలను) ఆర్‌ఈహెచ్‌పీఎల్, ఎంఓఎల్ సంయుక్తంగా నియంత్రిస్తాయి’ అని ఆ ప్రకటన వివరించింది. రిలయన్స్ పశ్చిమ భారతంలోని తన పెట్రోకెమికల్ ప్లాంట్లలో ఫీడ్‌స్టాక్‌గా సహజ వాయువు, నాఫ్తాకు బదులు ఉపయోగించడానికి అమెరికా నుంచి 1.6 మిలియన్ టన్నుల ఈథేన్‌ను దిగుమతి చేసుకుంటోంది. గ్యాస్ రెవల్యూషన్ తరువాత ఉత్తర అమెరికాలో ఈథేన్ పెద్ద మొత్తంలో ఉత్పత్తి అవుతోంది. ఈథేన్‌ను ఉపయోగించడం వల్ల కంపెనీ ఫీడ్‌స్టాక్ వ్యయం సుమారు 30 శాతం వరకు తగ్గింది. జపాన్‌లోని అతిపెద్ద షిప్పింగ్ కంపెనీ మిత్సుయి ఓఎస్‌కే లైన్స్.. రిల్ కోసం ఓడలను నిర్వహిస్తుంటుంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.