బిజినెస్
వచ్చే ఏడాదిన్నర కాలానికి ఎస్ బ్యాంకుకు ఆర్థిక ఇబ్బందులే.
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 30: ఎస్ బ్యాంకు వచ్చే 12 నుంచి 18 నెలల కాలంలో లాభాల విషయంలో తీవ్ర వత్తిడిని ఎదుర్కోనుంది. నిరర్థక ఆస్తులకు ఆ బ్యాంకు ప్రాధాన్యతను ఇవ్వడమే ఇందుకు కారణమని అంతర్జాతీయ అధ్యయన సంస్థ ‘మూడీస్ ఇనె్వస్టర్స్ సర్వీస్’ తన నివేదికలో పేర్కొంది. ఏప్రిల్ 26న ఈప్రైవేటు బ్యాంక్ 2018-19 ఆర్థిక సంవత్సరానికి తన నాల్గవ త్రైమాసిక గణాంకాలను విడుదల చేసింది. 2004లో ఈ బ్యాంకు ఆరంభమైన నాటినుంచి ఇప్పటి వరకు ఎన్నడూ లేని విధంగా ఆ బ్యాంకు తొలిసారి త్రైమాసికంగా తీవ్ర ఆర్థిక నష్టాలను నమోదు చేసింది. మొత్తం సంవత్సరం పనితీరును పరిశీలిస్తే ఈ బ్యాంకు లాభాల్లోనే ఉన్నప్పటికీ నాల్గవ త్రైమాసికంలో మాత్రం ఎదురుదెబ్బ తగిలింది. గత మార్చితో ముగిసిన త్రైమాసికానికి ఆస్తులపై ఆదాయాన్ని 0.5 శాతంగా ఆ బ్యాంకు చూపింది. ఐతే ఇదే సమయానికి గత ఏడాది 1.4 శాతం ఆదాయం సమకూరిం ది. మొత్తం రుణాలపై ఈ బ్యాంకుకు 8 శాతం నిరర్ధక ఆస్తు లు ఏర్పడ్డాయని, ప్రధానంగా బ్యాలెన్స్ షీట్ క్లీన్‌అప్ చేసుకోవడం ఈ బ్యాంకు లాభాలను వచ్చే 12 నుంచి 18 కాలానికి దెబ్బతీసే అవకాశాలున్నాయని ఆ నివేదిక వెల్లడించింది. గడచిన త్రైమాసికంలో అధికంగా నిరర్థక రుణాలు (ఎన్‌పీఎల్స్) ఇవ్వడం ద్వారా ఈ పరిస్థితి ఏర్పడిందని, సరికొత్త కార్పొరేట్ విధానం, కొత్త అధినాయకత్వం ద్వారా ఈ సమస్యను సమీప భవిష్యత్తులోనే పరిష్కరించుకునే అకాశాలున్నాయని ఆ నివేదిక వెల్లడించింది. ఇలావుండగా ఎస్ బ్యాం కు త్రైమాసిక ఫలితాల నేపథ్యంలో ఆ బ్యాంకు వాటాలు మంగళవారం సుమారు 30 శాతం నష్టపోయాయి. ఆరంభ దశలో బీఎస్‌ఈలో తీవ్ర వత్తిడికి గురైన ఈ వాటాలు ఒక్కొక్కటి రూ. 165.30 వంతున దిగువన ట్రేడయ్యాయి. ఆఖరుకు 29.23 శాతం నష్టాలతో వాటా విలువ రూ.168కి చేరుకుంది. గత శుక్రవారం సాయంత్రం ఈ బ్యాంకు త్రైమాసిక ఫలితాలు ప్రకటించినప్పటికీ అప్పటికే వాణిజ్య వారం ము గిసింది. మళ్లీ సోమవారం సైతం సెలవురోజు కావడంతో ఎట్టకేలకు మంగళవారం ఈ గణాంకాలు పరిగణనలోకి వచ్చి స్టాక్ మార్కెట్లను ప్రతికూల ప్రభావం చూపాయి. ఈ బ్యాం కు వ్యవస్థాపకుడు, దీర్ఘకాల సీఈవో రానాకపూర్‌ను ఈ ఏ డాది జనవరితో పదవీ కాలవ్యవధి ముగిసిపోగా ఆయనను కొనసాగించేందుకు రిజర్వు బ్యాంకు అంగీకరించకపోవడంతో రవ్‌నీత్ గిల్ కొత్త ఎండీ, సీఈవోగా బాధ్యతలు చేపట్టారు. కాగా ఈ బ్యాంకు వచ్చే మూడేళ్లలో రుణాల కేటాయింపును ఏటా 20 నుంచి 25 శాతం వరకు తగ్గించుకునే అవకాశాలున్నాయని మూడీస్ నివేదిక అంచనా వేసింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.