బిజినెస్
మరో విడత రెపో రేట్ల కోత?
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, సెప్టెంబర్ 13: ద్రవ్యోల్బణాన్ని అదుపులో ఉంచడం కోసం మరో విడత రేట్ల కోతను రిజర్వు బ్యాంకు చేపడుతుందన్న ఊహాగానాలు శుక్రవారం దేశీయ స్టాక్ మార్కెట్లకు ఊతాన్నిచ్చాయి. దీంతో వాణిజ్య వారం చివరిరోజు సూచీలు మంచి లాభాలను నమోదు చేశాయి. అలాగే అమెరికా-చైనా వాణిజ్య యుద్ధం సమసిపోతుందన్న ఆశాభావంతో అంతర్జాతీయ మార్కెట్లు గణనీయంగా పుంజుకోవడం సైతం దేశీయ మార్కెట్లకు సానుకూలంగా మారింది. రూపాయి మారకం విలువ బలపడటం, కీలక రంగాల్లో విదేశీ పెట్టుబడుల వెల్లువ సైతం వాటాల కొనుగోళ్లను ప్రోత్సహించాయని వాణిజ్య వర్గాలు చెబుతున్నాయి. కాగా ఆరంభంలో ఒడిదుడుకులతో సాగిన బీఎస్‌ఈ 30 షేర్ల సూచీ సెనె్సక్స్ మధ్యాహ్నం తర్వాత నెలకొన్న కొనుగోళ్ల ఊతంతో లాభాల వైపు పరుగులు పెట్టింది. మొత్తం 280.71 పాయింట్లు ఎగబాకిన ఈ సూచీ 0.76 శాతం లాభాలతో 37,384.99 పాయింట్ల ఎగువన స్థిరపడింది. అలాగే బ్రాడర్ ఎన్‌ఎస్‌ఈ సూచీ నిఫ్టీ సైతం 93.10 పాయింట్ల ఆధిక్యతతో 0.85 శాతం లాభాలను సంతరించుకుని 11,075.90 పాయింట్ల ఎగువన స్థిరపడింది. కాగా ఆగస్టులో రీటెయిల్ ద్రవ్యోల్బణం 3.21 శాతానికి పెరిగింది. మరోవైపు పారిశ్రామికోత్పత్తిలో మాందగమనం నెలకొని జూలైలో 4.3 శాతానికి పడిపోయింది. ఈక్రమంలో రిజర్వు బ్యాంకు వచ్చే నెలలో మరోవిడత రెపోరేట్ల కోతను చేపట్టే అవకాశాలున్నాయని వాణిజ్య నిపుణులు అంచనావేస్తున్నారు. కాగా శుక్రవారం సెనె్సక్స్ ప్యాక్‌లో వేదాంత, ఐసీఐసీఐ బ్యాంకు, ఓఎన్‌జీసీ, కోటక్ బ్యాంక్, యాక్సిస్ బ్యాంక్, ఎస్‌బీఐ, ఎం అండ్ ఎం, ఇన్ఫోసిస్, పవర్‌గ్రిడ్, హెచ్‌సీఎల్ టెక్, ఎన్‌టీపీసీ, బజాజ్ ఫైనాన్స్, రిలయన్స్ ఇండస్ట్రీస్ అత్యధికంగా 2.72 శాతం లాభపడ్డాయి. మరోవైపు సన్‌పార్మా, భారతిఎయిర్‌టెల్, హెచ్‌డీఎఫ్‌సీ బ్యాంక్, యెస్ బ్యాంక్, ఐటీసీ, హెచ్‌యూఎల్ అత్యధికంగా 1.41 శాతం నష్టపోయాయి. కాగా అంతర్జాతీయంగా ఐరోపా సెంట్రల్ బ్యాంక్ అదనపుసానుకూల విధాన నిర్ణయాలు ప్రకటించడం మన దేశీయ మార్కెట్లకూ ప్రోత్సాహకరంగా మారింది. ఈక్రమంలో బీఎస్‌ఈలో చమురు, సహజవాయువులు, ఇంధనం, లోహ, స్ఢిరాస్తి, వినిమయం, బ్యాంకెక్స్, విద్యుత్, వాహన, ఐటీ రంగాలు 2.73 శాతం లాభపడ్డాయి. ఐతే టెలికాం, హెల్త్‌కేర్ రంగాలు 0.94 శాతం నష్టపోయాయి. బ్రాడర్ బీఎస్‌ఈలో మిడ్‌క్యాప్, స్మాల్‌క్యాప్ సూచీలు 0.82 శాతం లాభపడ్డాయి.
లాభాల్లో ఆసియా మార్కెట్లు
అమెరికా-చైనా వాణిజ్య యుద్ధం సమసిపోయే అవకాశాలున్నాయన్న కథనాలతో ఆసియా మార్కెట్లు శుక్రవారం లాభాలను నమోదు చేశాయి. ప్రధనంగా హాంగ్‌కాంగ్, జపాన్ మార్కెట్లు అత్యధికంగా లాభపడ్డాయి. అలాగే ఐరోపా మార్కెట్లు సైతం ఆరంభ ట్రేడింగ్‌లో లాభాలనే నమోదు చేశాయి. అక్కడి సెంట్రల్ బ్యాంకు సానుకూల ప్రకటనే ఇందుకు కారణం. కాగా అమెరికన్ డాలర్‌తో పోలిస్తే రూపాయి మారకం విలువ 6 పైసలు బలపడి ఇంట్రాడేలో 71.07గా ట్రేడైంది. ఇక ముడిచమురు ధర 0.31 శాతం తగ్గిం బ్యారెల్ 60.19 డాలర్ల వంతున ట్రేడైంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.