బిజినెస్
40వేల మార్కు దాటిన సెనె్సక్స్
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, అక్టోబర్ 30: దేశీయ స్టాక్ మార్కెట్లు వరుసగా రెండోరోజూ లాభాల పరుగును కొనసాగించాయి. కార్పొరేట్ కంపెనీల బలమైన త్రైమాసిక ఫలితాలు, ఈక్విటీల్లో మదుపుచేసే వారికి ఆదాయ పన్ను తగ్గింపు ఉండవచ్చన్న అంచనాల క్రమంలో పెట్టుబడిదారుల సెంటిమెంటుపై సానుకూల ప్రభావం చూపింది. దీంతో బుధవారం సైతం సూచీలు మంచి లాభాలను నమోదు చేశాయి. బీఎస్‌ఈ 30 షేర్ల సూచీ సెనె్సక్స్ ఈ ఏడాది జూన్ 4 తర్వాత మళ్లీ 40వేల మార్కును దాటింది. తొలుత 40,178.12 పాయింట్లకు ఎగబాకిన ఈ సూచీ చివరిగా 220.03 పాయింట్ల ఆధిక్యతతో 0.55 శాతం లాభపడి 40,051.87 పాయింట్ల గరిష్ట స్థాయిలో స్థిరపడింది. అదేవిధంగా బ్రాడర్ ఎన్‌ఎస్‌ఈ సూచీ నిఫ్టీ సైతం 57.25 పాయింట్లు (0.49 శాతం) లాభపడి 11,844.10 పాయింట్ల గరిష్ట స్థాయిలో స్థిరపడింది. డివిడెండ్ డిస్ట్రిబ్యూషన్ ట్యాక్స్ (డీడీటీ)ని రద్దు చేసే యోచనలో కేంద్ర ప్రభుత్వం ఉందని, అలాగే దీర్ఘకాలిక మూలధన లాభాల పన్ను (ఎల్‌టీసీజీ), సెక్యూరిటీల లావాదేవీల పన్ను (ఎస్‌టీటీ) వంటి పన్నులను సైతం సరళతరం చేసే విషయంపై సమీక్షిస్తోందన్న కథనాలు వెలువడిన తర్వాత ఈక్విటీ మార్కెట్ సెంటిమెంటుకు మరింత బలం చేకూరిందని బ్రోకర్లు చెబుతున్నారు. బ్లూచిప్స్ ద్వారా మంచి ఆదాయాల రాబడి, కార్పొరేట్ పన్ను కోత ద్వారా అర్థవంతమైన లాభాలు చేకూరడం సైతం మార్కెట్లకు మద్దతుగా నిలిచాయి. సెనె్సక్స్ ప్యాక్‌లో ఎస్‌బీఐ, టీసీఎస్, ఐటీసీ, భారతీ ఎయిర్‌టెల్, సన్‌పార్మా, ఇన్ఫోసిస్, బజాజ్ ఆటో అత్యధికంగా 3.37 శాతం లాభపడ్డాయి. మరోవైపు యెస్ బ్యాంక్, మారుతి, ఇండస్‌ఇండ్ బ్యాంక్, ఐసీఐసీఐ బ్యాంక్, బజాజ్ ఫైనాన్స్ 2.41 శాతం నష్టపోయాయి. అమెరికన్ ఫెడ్ వడ్డీ రేట్ల నిర్ణయం, అమెరికా-చైనా వాణిజ్య చర్చల క్రమంలో ఓవైపు అంతర్జాతీయంగా మార్కెట్ల పరిస్థితి బలహీనంగా ఉన్నా ప్రభుత్వ ఆర్థికాభివృద్ధి చర్యలు మార్కెట్లకు ఇంధనంలా మారాయని విశే్లషకులు తెలిపారు. ఇక రంగాల వారీగా చూస్తే బీఎస్‌ఈలో ఐటీ, టెక్, చమురు, సహజ వాయువులు, ఎఫ్‌ఎంసీజీ, కేపిటల్ గూడ్స్, వినిమయాలు, టెలికాం, ఇంధన సూచీలు 1.47 శాతం లాభపడ్డాయి. ఇలావుండగా వినిమయ వస్తువులు, స్థిరాస్తి, లోహ, వాహన సూచీలు 0.98 శాతం నష్టపోయాయి. ఇక బ్రాడర్ బీఎస్‌ఈలో మిడ్‌క్యాప్, స్మాల్‌క్యాప్ సూచీలు 0.65 శాతం లాభపడ్డాయి. అంతర్జాతీయ మార్కెట్లలో మదుపర్లు రాబోయే అమెరికన్ ఫెడరల్ రిజర్వ్ సమావేశ నిర్ణయం కోసం వేచిచూసే ధోరణిని అవలంభించారు. ఈక్రమంలో ఆసియాలో షాంఘై, హాంగ్‌కాంగ్, సియోల్, టోక్యో మార్కెట్లు బుధవారం నష్టాలతో ముగిశాయి. అమెరికా-చైనా మధ్య సాగుతున్న చర్చలు కొలిక్కి రావడంలో కొంత ఆలస్యం చోటుచేసుకోవచ్చన్న అంచనాలు సైతం అంతర్జాతీయ మార్కెట్లకు ప్రతికూలంగా మారింది. కాగా ఐరోపా మార్కెట్లు ఆరంభ ట్రేడింగ్‌లో మిశ్రమ ఫలితాలను నమోదు చేశాయి. అమెరికన్ డాలర్‌తో పోలిస్తే రూపాయి విలువ స్వల్పంగా (ఆరు పైసలు) నష్టపోయి ఇంట్రాడేలో 70.91గా ట్రేడైంది. అంతర్జాతీయ మార్కెట్లో ముడిచమురు ధరలు 0.54 శాతం తగ్గి బ్యారెల్ 61.26 డాలర్లు వంతున ట్రేడ్రైంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.