బిజినెస్
కోలుకున్న మార్కెట్లు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, నవంబర్ 6: అంతర్జాతీయ సూచీలు ప్రతికూల ధోరణులను ప్రదర్శించడంతో ఏడు సెషన్స్‌పాటు లాభాలను ఆర్జించి, మంగళవారం హఠాత్తుగా స్వల్ప నష్టాలను ఎదుర్కొన్న భారత స్టాక్ మార్కెట్లు బుధవారం కోలుకున్నాయి. పెట్టుబడులకు విదేశీ మదుపరులు ఆసక్తి ప్రదర్శించడంతో ఆరంభంలో మందకొడిగా సాగిన లావాదేవీలు క్రమేణా పుంజుకున్నాయి. బాంబే స్టాక్ ఎక్స్ఛేంజి (బీఎస్‌ఈ)లో 30 షేర్ సెనె్సక్స్ ఆరంభంలో స్తబ్ధంగా ఉన్నప్పటికీ సెకండాఫ్‌లో ఒక్కసారిగా పుంజుకుంది. ఒకానొక దశలో ఆల్‌టైమ్ ఇన్‌ట్రా డే అత్యధిక సూచీ 40,606.91 పాయింట్లకు చేరుకుంది. అయితే, చివరిలో షేర్ల అమ్మకాల డిమాండ్ పెరగడంతో బుల్ ర్యాలీ బ్రేక్ పడింది. అయితే, నష్టాల నుంచి కోలుకుని, 221.55 పాయింట్లు (0.55 శాతం) లాభపడి 40,469.78 పాయింట్ల వద్ద ముగిసింది. అదేవిధంగా జాతీయ స్టాక్ ఎక్స్ఛేంజి (ఎన్‌ఎస్‌ఈ)లో నిఫ్టీ ఒక దశలో 12,000 పాయింట్లకు చేరింది. అయితే, బీఎస్‌ఈ మాదిరిగానే ఎన్‌ఎస్‌ఈలోనూ చివరిక్షణంలో అమ్మకాల ఒత్తిడి పెరగడంతో స్వల్పంగా పెరిగిన నిఫ్టీ 11,966.05 పాయింట్ల వద్ద ముగిసింది. మంగళవారంతో పోలిస్తే ఇది 48.85 పాయింట్లు (0.41 శాతం) ఎక్కువ. రియాలిటీ రంగానికి ఊతమిచ్చే ప్రణాళికను త్వరలోనే ప్రకటించనున్నట్టు కేంద్ర ఆర్థిక మంత్రి నిర్మలా సీతారామన్ చేసిన తాజా ప్రకటన సానుకూల ప్రభావాన్ని చూపెట్టింది. కార్పొరేట్ రంగానికి కేంద్రం సానుకూలంగా ఉన్నదన్న సంకేతాలు రావడంతో వివిధ కంపెనీల షేర్లకు డిమాండ్ పెరిగింది. బీఎస్‌ఈలో ఐసీఐసీఐ బ్యాంక్ కంపెనీ షేర్లు అత్యధికంగా 2.64 శాతం లాభపడ్డాయి. ఇన్ఫోసిస్ 2.37 శాతం, హెచ్‌డీఎఫ్‌సీ 1.78 శాతం, ఇండస్‌ఇండ్ 1.74 శాతం, హెచ్‌డీఎఫ్‌సీ బ్యాంక్ 1.42 శాతం చొప్పున లాభాలను ఆర్జించాయి. జాతీయ, అంతర్జాతీయ సూచికలు సానుకూలంగానే ఉన్నప్పటికీ భారతీ ఎయిర్‌టెల్ షేర్లు అనూహ్యంగా 3.31 శాతం నష్టాన్ని చవిచూశాయి. రిలయన్స్ 1.07, బజాజ్ ఫైనాన్స్ 1.04, ఓఎన్‌జీసీ 1.03, మారుతీ సుజుకి 1.00 శాతం చొప్పున నష్టపోయాయి. ఎన్‌ఎస్‌ఈలో నిఫ్టీ స్వలంగా లాభపడగా, సిప్లా కంపెనీ షేర్లు అత్యధికంగా 3.02 శాతం లాభాలను ఆర్జించాయి. ఐసీసీఐ బ్యాంక్ 2.49 శాతం, ఇన్ఫోసిస్ 2.36 శాతం, హెచ్‌డీఎఫ్‌సీ 1.82 శాతం, ఇండస్‌ఇండ్ 1.81 శాతం చొప్పున లాభాలను సంపాదించాయి. అయితే, ఎవరూ ఊహించని విధంగా టైటాన్ కంపెనీ షేర్ల ధర ఒక్కసారిగా కుప్పకూలాయి. ఏకంగా 10.09 శాతం నష్టాలను ఎదుర్కొన్నాయి. భారతీ ఎయిర్‌టెల్ 3.44 శాతం, ఓఎన్‌జీసీ 1.26 శాతం, భారతీ ఫిన్‌సర్వ్ 1.25 శాతం, మారుతీ సుజుకి 1.07 శాతం చొప్పున నష్టపోయాయి. స్థూలంగా చూస్తే ఫైనాన్షియల్ సర్వీసెస్ సంస్థలు సగటున 2.59 శాతం లాభాలను సంపాదించాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.