బిజినెస్
ఎస్‌బిఐ చీఫ్ పదవి పొడిగింపు?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, సెప్టెంబర్ 18: ప్రభుత్వ రంగ బ్యాంకుల్లో అతిపెద్దదైన స్టేట్ బ్యాంక్ ఆఫ్ ఇండియా (ఎస్‌బిఐ) చైర్‌పర్సన్ అరుంధతీ భట్టాచార్య పదవీ కాలాన్ని మరో ఏడాది పాటు పొడిగించే విషయాన్ని కేంద్ర ప్రభుత్వం పరిశీలిస్తోంది. ప్రస్తుతం ఎస్‌బిఐలో అనుబంధ బ్యాంకులు సహా, భారతీయ మహిళా బ్యాంకు (బిఎంబి) విలీన ప్రక్రియ కొనసాగుతున్న నేపథ్యంలో ప్రభుత్వం ఈ ఆలోచన చేస్తోంది. ఎస్‌బిఐ చీఫ్‌గా అరుంధతీ భట్టాచార్య మూడేళ్ల పదవీ కాలం ఈ నెలాఖరుతో ముగియనుంది. అయితే బిఎంబి సహా అనుబంధ బ్యాంకుల విలీనంతో ఎస్‌బిఐని స్థిరీకరించే ప్రక్రియ కొనసాగుతున్నందున ఆమె పదవీ కాలాన్ని పొడిగించాలన్న ప్రతిపాదనను ప్రభుత్వం పరిశీలిస్తోందని అధికార వర్గాలు వెల్లడించాయి. ఈ విషయమై ప్రభుత్వం ఇప్పటికే బ్యాంక్ బోర్డు బ్యూరో (బిబిబి) అభిప్రాయాలను కూడా స్వీకరించిందని, కనుక అరుంధతీ భట్టాచార్య పదవీ కాలం పొడిగింపుపై మరికొద్ది రోజుల్లోనే ప్రభుత్వం నుంచి ఉత్తర్వు వెలువడే అవకాశం ఉందని ఆ వర్గాలు తెలిపాయి.
చిత్రం.. అరుంధతీ భట్టాచార్య
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.