బిజినెస్
భారత మార్కెట్లకు స్వల్ప నష్టాలు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి: ఇరాన్-అమెరికా దేశాల మధ్య యుద్ధ వాతావరణం నెలకొన్న నేపథ్యంలో ప్రపంచవ్యాప్తంగా మిగతా ఆర్థిక వ్యవస్థలతో మాదిరిగానే భారత్‌లో కూడా దాని ప్రభావం స్పష్టంగా కనిపించింది. అయితే, స్వదేశీ మదుపరులు ఆదుకోవడంతో భారీ నష్టాల నుంచి తప్పించుకున్నప్పటికీ స్వల్ప నష్టాలు తప్పలేదు. బాంబే స్టాక్ ఎక్స్చేంజి (బీఎస్‌ఈ)లో సెనె్సక్స్ 51.73 పాయింట్లు పతనమై 40,815.74 పాయింట్లకు చేరింది. అదేవిధంగా జాతీయ స్టాక్ మార్కెట్ (ఎన్‌ఎస్‌ఈ)లో 27.60 పాయింట్లు తగ్గిన నిఫ్టీ 12,025.35 పాయింట్లుగా నమోదైంది. తీవ్రమైన ప్రతికూల ధోరణులు ఏర్పడి, అమ్మకాల ఒత్తిళ్లు పెరగడంతో బీఎస్‌ఈ లావాదేవీలు మందకొడిగా సాగాయి. ఒకదశలో రికార్డు స్థాయి నష్టాలు తప్పవన్న అభిప్రాయాలు వ్యక్తమయ్యాయి. కానీ, మధ్యాహ్నం తర్వాత స్వదేశీ మదుపరులు కొనుగోళ్లపై ఆసక్తిని ప్రదర్శించడంతో పరిస్థితి కొంత మెరుగుపడింది. కానీ వీరు సెనె్సక్స్‌ను నష్టం నుంచి కాపాడలేకపోయారు. ఎల్ అండ్ టీ అత్యధికంగా 2.19 శాతం నష్టపోయింది. ఓఎన్‌జీసీ (1.75 శాతం), టైటాన్ (1.43 శాతం), సన్ ఫార్మా (1.40 శాతం), హీరో మోటార్స్ (1.32 శాతం) షేర్లు కూడా నష్టాల్లో ట్రేడయ్యాయి. కాగా, ప్రతికూలతలు ఎదుర్కొన్న భారతీ ఎయిర్‌టెల్ 3.05 శాతం లాభాలను ఆర్జించింది. ఐటీసీ వాటాలు 2.26 శాతం లాభాల్లో ట్రేడయ్యాయి. అల్ట్రా టెక్ (1.62 శాతం), బజాజ్ ఫైనాన్స్ (1.06 శాతం), ఐసీఐసీఐ బ్యాంక్ (0.99 శాతం) షేర్లు లాభాల్లో ముగిశాయి. అదేవిధంగా ఎన్‌ఎస్‌ఈలో నిఫ్టీ కూడా మధ్యాహ్నం వరకు నష్టాల్లో కొనసాగింది. ఆ తర్వాత క్రమంగా కోలుకుంది. కానీ చివరకు స్వల్ప నష్టంతో ట్రేడింగ్ ముగించింది. ఇచర్ మోటార్స్ వాటాలు అత్యంత దారుణంగా 4.34 శాతం నష్టాల్లో ట్రేడయ్యాయి. కోల్ ఇండియా (2.25 శాతం), ఎల్ అండ్ టీ (2.20 శాతం), ఐఓసీ (1.97 శాతం), ఓఎన్‌జీసీ (1.83 శాతం) వాటాలకు అమ్మకాల ఒత్తిళ్లు పెరగడంతో అవి నష్టాల్లోనే ట్రేడయ్యాయి. కాగా, బీఎస్‌ఈలో మాదిరిగానే ఎన్‌ఎస్‌ఈలోనూ భారతీ ఎయిర్‌టెల్ లాభాల బాటలో నడిచింది. ఈ కంపెనీ వాటాలు 3.05 శాతం లాభపడ్డాయి. ఎస్ బ్యాంక్ 2.22 శాతం లాభాలతో రెండో స్థానంలో ఉంది. టీసీఎస్ (2.15 శాతం), అల్ట్రా టెక్ (1.55 శాతం), బజాజ్ ఫైనాన్స్ (1.08 శాతం) షేర్లు కూడా బుధవారం నాటి ట్రేడింగ్‌లో లాభాలను ఆర్జించాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.