బిజినెస్
40% పెరిగిన ఎన్‌ఐఐటీ లాభం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 8: కార్పొరేట్ సెక్టార్ నుంచి డిమాండ్ పెరగడంతో 2019 డిసెంబర్‌తో ముగిసిన త్రైమాసికంలో ఎన్‌ఐఐటీ కన్సాలిడేటెడ్ నికర లాభం 40 శాతం వృద్ధితో రూ. 27.1 కోట్లకు పెరిగింది. ఈ సంస్థ 2018 డిసెంబర్‌తో ముగిసిన త్రైమాసికంలో రూ. 19.4 కోట్ల కన్సాలిడేటెడ్ నికర లాభాన్ని ఆర్జించింది. నైపుణ్యాలు, ప్రతిభను అభివృద్ధి చేయడంలో ఒక గ్లోబల్ లీడర్‌గా ఉన్న ఎన్‌ఐఐటీ ఈ వివరాలు వెల్లడించింది. తాము రెండేళ్ల క్రితం కెనడా బిజినెస్‌ను ప్రారంభించామని, అది ఇప్పుడు ఫలితం ఇవ్వడం ప్రారంభమయిందని ఎన్‌ఐఐటీ వైస్ చైర్మన్, మేనేజింగ్ డైరెక్టర్ విజయ్ కే థదాని ఒక వార్తాసంస్థకు తెలిపారు. తమ సంస్థ మొత్తం వ్యాపారంలో విదేశీ మార్కెట్ వాటా 77 శాతముందని, దీనిలో అమెరికా, యూరప్ మార్కెట్ల వాటా ఎక్కువగా ఉందని ఆయన వివరించారు. ఎన్‌ఐఐటీ 2019 డిసెంబర్‌తో ముగిసిన త్రైమాసికంలో రూ. 247.6 కోట్ల కన్సాలిడేటెడ్ ఆదాయాన్ని సాధించింది. 2018 డిసెంబర్‌తో ముగిసిన త్రైమాసికంలో ఆర్జించిన కన్సాలిడేటెడ్ ఆదాయం రూ. 225.5 కోట్లతో పోలిస్తే ఇది పది శాతం ఎక్కువ.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.