బిజినెస్
జీఎస్‌టీలో కొత్త విధానాలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఫిబ్రవరి 15: జీఎస్‌టీ విధానంలో కొత్త విధానాలు వచ్చాయని దీంతో సిబ్బందిపై బాధ్యతలు పెరిగినా సమర్థవంతంగా పని చేస్తున్నారని సెంట్రల్ ట్యాక్స్ కమిషనర్ ఎం శ్రీహరిరావు తెలిపారు. ఆలిండియా అసోసియేషన్ ఆఫ్ సెంట్రల్ ఎక్సైజ్ గెజిటెడ్ ఎగ్జిక్యూటివ్ ఆఫీసర్స్ గుంటూరు యూనిట్ జనరల్ బాడీ సమావేశం శనివారం నగరంలోని ఓ హోటల్‌లో జరిగింది. కార్యక్రమానికి ముఖ్యఅతిథిగా విచ్చేసిన శ్రీహరిరావు మాట్లాడుతూ గుంటూరు కమిషనరేట్ దేశంలోనే అతి పురాతనమైన కమిషనరేట్ అన్నారు. ఆంధ్రప్రదేశ్‌లో మొదటి సారిగా గుంటూరులోనే కమిషనర్ కార్యాలయం ప్రారంభించారన్నారు. గుంటూరులో పొగాకు కొనుగోళ్లు పెద్ద స్థాయిలో ఉండటంతో ఇక్కడే కమిషనర్ కార్యాలయం ప్రారంభించారన్నారు. అలాగే 2017 నుండి సెంట్రల్ ఎక్సైజ్ పన్ను విధానం మార్పు చెంది జీఎస్‌టీ కొత్త చట్టం వచ్చిందని తెలిపారు. దీంతో గుంటూరులోనే సీజీఎస్‌టీ కమిషనరేట్ కార్యాలయం ఏర్పాటు చేశారన్నారు. ప్రధానంగా ఈ ఏడాది పన్నుల విధానంలో 15 శాతం వృద్ధి సాధించే విధంగా లక్ష్యాన్ని నిర్ణయించారని, దానికి అనుగుణంగా సిబ్బంది అంతా సమర్థవంతంగా పని చేస్తున్నారని తెలిపారు. కస్టమ్స్ ప్రివెంటివ్ కమిషనర్ డాక్టర్ కే వెంకటరామ్‌రెడ్డి మాట్లాడుతూ జీఎస్‌టీ గుంటూరు యూనిట్‌లో సిబ్బంది కరిసికట్టుగా పని చేసి మంచి ఫలితాలను సాధిస్తున్నారని తెలిపారు. కస్టమ్స్ విభాగానికి సంబంధించి కృష్ణపట్నం, కాకినాడ పోర్టులకు దిగుమతులు పెరిగాయని దీనికి అనుగుణంగా పన్నులను రాబట్టడంలో కృషి చేస్తున్నామని తెలిపారు. గత ఏడాది కస్టమ్స్ విభాగం నుండి పన్నుల రూపంలో రూ. 10వేల కోట్లు రాబట్టామని ఈ ఏడాది రూ. 12 వేల కోట్లు లక్ష్యంగా నిర్ణయించుకున్నామని నూరుశాతం లక్ష్యాన్ని సాధిస్తామని ఆయన తెలిపారు. ముఖ్యంగా కంటెయినర్లలో ఓపెన్ చేయకుండానే అక్రమ రవాణా జరుగుతుందేమో తెలుసుకోవడానికి అత్యాధునిక కంటెయినర్ స్కానర్లను ఉపయోగిస్తున్నామని తెలిపారు.
ఆలిండియా అసోసియేషన్ ఆఫ్ సెంట్రల్ ఎక్సైజ్ గెజిటెడ్ ఎగ్జిక్యూటివ్ ఆఫీసర్స్ గుంటూరు యూనిట్ అధ్యక్ష, ప్రధాన కార్యదర్శులు జీవీబీజీ తిలక్, ఎం. నాగరాజు మాట్లాడుతూ గుంటూరు యూనిట్‌లో మొత్తం 250 మంది సూపరింటెండెంట్లు ఉన్నారని, వారికి సంబంధించి ప్రమోషన్లు, సర్వీస్ రూల్స్, సిబ్బంది సంక్షేమం గురించి చర్చించి పరిష్కరించేందుకు అధికారుల దృష్టికి తీసుకువెళ్లినట్లు తెలిపారు. సమావేశంలో అసిస్టెంట్ కమిషనర్ ఎస్ రమేష్‌బాబు, అసోసియేషన్ మాజీ ప్రధాన కార్యదర్శి రవి మల్లిక్, ఆలిండియా అధ్యక్ష, కార్యదర్శులు తవనమ్‌దాస్, హర్పాల్ షింగ్, జీఎస్‌టీకి చెందిన సూపరింటెండెంట్లు, అసిస్టెంట్ కమిషనర్లు, 13 జిల్లాల కస్టమ్స్ అధికారులు పాల్గొన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.