బిజినెస్
టూరిజంపై ఆస్ట్రేలియా దృష్టి
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 26: ఇటీవల సుమారు ఆరు నెలల పాటు చెలరేగిన కార్చిచ్చు కారణంగా లక్షలాది వన్యప్రాణులు సజీవ దహనమైన నేపథ్యంలో ఆర్థికంగా అతలాకుతలమైన ఆస్ట్రేలియా ఇప్పుడిప్పుడే కోలుకుంటోంది. కార్చిచ్చు కారణంగా దెబ్బతిన్న పర్యాటక రంగంపై ఇప్పుడు దృష్టి సారించింది. ఈ రంగంలో భారీ పెట్టుబడుల కోసం ప్రణాళికలను సిద్ధం చేస్తోంది. అందులో భాగంగానే క్రికెట్‌ను మాధ్యమంగా పెట్టుకుని టూరిజంను అభివృద్ధి పరచాలని ఆశిస్తోంది. ముంబయి పర్యటనకు వచ్చిన ఆస్ట్రేలియా వాణిజ్య, పర్యాటక, పెట్టుబడుల శాఖ మంత్రి సైమన్ బర్మింగ్‌హామ్ ఈ విషయాన్ని ప్రకటించారు. ప్రస్తుతం ఆస్ట్రేలియాలో మహిళల ఐసీసీ టీ-20 వరల్డ్ కప్ జరుగుతోంది. ఇదే ఏడాది అక్కడ పురుషుల వరల్డ్ కప్ కూడా జరుగనుంది. ఆ మెగా టోర్నీకి టికెట్లు వేగంగా అమ్ముడవుతున్నాయని సైమన్ ప్రకటించారు. భారతీయులు సుమారు 20 వేల టికెట్లను కొనుగోలు చేసినట్టు చెప్పారు. వరల్డ్ కప్ క్రికెట్ వల్ల తమకు మిలియన్ ఆస్ట్రేలియా డాలర్లు (4.7 కోట్ల రూపాయలు) ఆదాయం వచ్చినట్టు ఆయన అన్నారు. భారతదేశం నుంచి ఏటా భారీగా టూరిస్టులు ఆస్ట్రేలియా వస్తుంటారన్న విషయాన్ని ఆయన గుర్తు చేస్తూ ఇకపై కూడా ఇదే తరహాలో టూరిస్టులను ఆకర్షించగలుగుతామన్న ధీమా వ్యక్తం చేశారు.
2018లో 3.50 లక్షల మంది భారత పర్యాటకులు ఆస్ట్రేలియా టూర్‌కు వెళ్తే, గత ఏడాది ఈ సంఖ్య 3,99,200కు పెరిగింది. కార్చిచ్చు వల్ల కొన్ని ప్రాంతాల్లో పర్యాటకుల సంఖ్య తగ్గిపోయే ప్రమాదం ఉందని, అయితే ఆ లోటు ను రాబోయే ఐసీసీ వరల్డ్ కప్ భర్తీ చేస్తుందని సైమన్ ఆశాభావం వ్యక్తం చేశారు.
*చిత్రం... ఆస్ట్రేలియా మాజీ క్రికెటర్ గ్లేన్ మెక్‌గ్రాత్‌తో ఆ దేశ వాణిజ్య, పర్యాటక, పెట్టుబడుల శాఖ మంత్రి సైమన్ బర్మింగ్‌హామ్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.