బిజినెస్
రెండు రోజుల్లో లక్షల కోట్లు ఆవిరి!
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 17: బేర్ గుప్పిట్లో స్టాక్ మార్కెట్లు విలవిల్లాడుతున్న నేపథ్యంలో, కేవలం రెండు రోజుల్లోనే మదుపరుల లక్షల కోట్ల రూపాయలు ఆవిరయ్యాయి. సోమ, మంగళవారాల ట్రేడింగ్‌లో స్టాక్ మార్కెట్లు నష్టాలను ఎదుర్కొన్నాయి. ఫలితంగా 9,74,176.71 కోట్ల రూపాయల విలువైన సంపదను మదుపరులు నష్టపోయారు. బీఎస్‌ఈ లిస్టెడ్ జాబితాలో నష్టపోయిన కంపెనీల మార్కెట్ విలువ మంగళవారం నాటి ట్రేడింగ్ ముగిసే సమయానికి 1,19,52,066.11 కోట్ల రూపాయలుగా నమోదైంది. అంతర్జాతీయ సూచీలు ప్రతికూల పరిస్థితులను ఎదుర్కోగా, ఆ ప్రభావం భారత మార్కెట్లపైనా స్పష్టంగా కనిపించింది. లక్షల కోట్ల రూపాయల విలువైన ఆస్తి ఒక్కసారిగా కనుమరుగైంది. ఈ నష్టం నుంచి బయటపడడం మదుపరులకు అనుకున్నంత సులభం కాదని మార్కెట్ విశే్లషకులు స్పష్టం చేస్తున్నాయి. కరోనా వైరస్ కారణంగా ప్రపంచ వ్యాప్తంగా మార్కెట్లు తీవ్ర ఆటుపోట్లకు గురవుతున్నాయి. ఒక రకంగా ఆర్థిక వ్యవస్థలు స్తంభించి పోతున్నాయి. భారత్ కూడా క్రమంగా కరోనా సృష్టిస్తున్న ప్రతికూల పరిస్థితుల్లోకి వెళుతున్నది. ఎప్పటికప్పుడు చర్చిస్తున్నామని, ఆర్థిక మాంద్యాన్ని, ఇతరత్రా సమస్యలను ఎదుర్కోవడానికి చర్యలు తీసుకుంటున్నామని కేంద్ర ఆర్థిక మంత్రి నిర్మలా సీతారామన్ పదేపదే ప్రకటనలు చేస్తున్నప్పటికీ, పరిస్థితి ఆశాజనకంగా లేదన్నది వాస్తవం. ప్రస్తుతం పార్లమెంటు బడ్జెట్ సమావేశాలు జరుగుతున్నందున, ప్రతిపక్ష పార్టీలన్నీ ఆర్థిక వ్యవస్థను చక్కదిద్దడానికి కేంద్ర ప్రభుత్వం తీసుకుంటున్న చర్యల గురించి పదేపదే ప్రశ్నిస్తున్నాయి. ఆర్బీఐ గవర్నర్‌తోనూ, ఎస్బీఐ చైర్మన్‌తోనూ నిర్మలా సీతారమన్ జరిపిన చర్యలు ఎస్ బ్యాంక్‌ను గట్టెక్కించడానికి ఉపయోగపడ్డాయేతప్ప, మొత్తం ఆర్థిక వ్యవస్థను చక్కదిద్దడానికి కాదన్నది వాస్తం. ఈ పరిస్థితుల్లో, మదుపరులు మరింతగా నష్టపోకుండా ప్రభుత్వం ఎలాంటి చర్యలు తీసుకుంటుందనేది ఆసక్తి రేపుతున్నది.
*చిత్రం... పార్లమెంటు బడ్జెట్ సమావేశాలకు వెళ్తున్న కేంద్ర ఆర్థిక మంత్రి నిర్మలా సీతారామన్
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.