బిజినెస్
టాటా సన్స్‌కు ఉన్నతోద్యోగులు గుడ్‌బై
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, అక్టోబర్ 29: టాటా సన్స్‌లోని ముగ్గురు ఉన్నతోద్యోగులు రాజీనామా చేశారు. టాటా సన్స్ చైర్మన్‌గా సైరస్ మిస్ర్తి ఉద్వాసనకు గురైన కొద్దిరోజుల వ్యవధిలోనే మిస్ర్తి ఏర్పాటుచేసిన గ్రూప్ ఎగ్జిక్యూటివ్ కమిటీ (జిఇసి) సభ్యుల్లో ముగ్గురు వైదొలగడం ప్రాధాన్యతను సంతరించుకుంది. టాటా సన్స్ చైర్మన్‌గా 2012లో మిస్ర్తి బాధ్యతలు స్వీకరించిన కొద్ది నెలల్లోనే జిఇసిని ఏర్పాటుచేశారు. తన లక్ష్యాల సాధనకు కావాల్సిన మద్దతు, వ్యూహాలను సమకూర్చడానికి ఈ జిఇసిని మిస్ర్తి ఏర్పాటుచేసుకున్నారు. జిఇసికి ముందు టాటా గ్రూప్ వ్యవహారాలను రతన్ టాటా ఏర్పాటుచేసిన జిసిసినే పర్యవేక్షించేది. 2000వ సంవత్సరంలో దీన్ని టాటా ఏర్పాటుచేశారు. ఇందులో టాటా గ్రూప్ సీనియర్లు ఎన్‌ఎ సూనవాలా, జెజె ఇరానీ, ఆర్‌కె కృష్ణకుమార్ సభ్యులు. మిస్ర్తి రాకతో జిసిసి స్థానంలో జిఇసి వచ్చింది.
అయితే మిస్ర్తి తొలగింపు నేపథ్యంలో ఆయన ఏర్పాటుచేసిన జిఇసిని కూడా టాటా సన్స్ రద్దు చేసింది. టాటా గ్రూప్ వెబ్‌సైట్ల నుంచి మిస్ర్తి వివరాలతోపాటు జిఇసి వివరాలను తొలగించింది కూడా. ఈ క్రమంలో జిఇసిలో సభ్యులుగా ఉన్న డాక్టర్ నిర్మల్య కుమార్, మధు కన్నన్, డాక్టర్ ఎన్‌ఎస్ రాజన్ తప్పుకున్నారు. ఈ విషయాన్ని టాటా అధికార ప్రతినిధి ధ్రువీకరించారు. రాజీనామా చేసిన వారిలో ఎన్‌ఎస్ రాజన్ టాటా గ్రూప్ మానవ వనరుల విభాగం అధిపతిగా ఉండగా, లండన్ బిజినెస్ స్కూల్ ప్రొఫెసరైన నిర్మల్య కుమార్ టాటా గ్రూప్ వ్యూహకర్తగా ఉన్నారు.
ఇక బాంబే స్టాక్ ఎక్స్‌చేంజ్ (బిఎస్‌ఇ) మాజీ చీఫ్ అయిన మధు కన్నన్ టాటా గ్రూప్ వ్యాపార అభివృద్ధి, ప్రజా సంబంధాల విభాగాలను చూస్తున్నారు. జిఇసి ఏర్పాటైన 2013లోనే వీరంతా సభ్యులుగా నియమితులయ్యారు. దీంతో మిస్ర్తి అనుయాయులుగా టాటా గ్రూప్‌లో ముద్రపడగా, మిస్ర్తి ఉద్వాసన నేపథ్యంలో ఈ ముగ్గురూ రాజీనామాలు సమర్పించడం ఇప్పుడు చర్చనియాంశమైంది. మరోవైపు జిఇసి ఐదుగురు సభ్యుల్లో మిగిలిన ఇద్దరైన డాక్టర్ ముకుంద్ రాజన్, హరీశ్ భట్‌లకు టాటా గ్రూప్‌లోనే త్వరలో కొత్త బాధ్యతలు అప్పగించనున్నారనే ఉహాగానాలున్నాయి.
100 బిలియన్ డాలర్లకుపైగా విలువైన 100కుపైగా సంస్థల సమాహారమైన టాటా గ్రూప్ చైర్మన్‌గా మిస్ర్తిని సోమవారం టాటా సన్స్ ఆశ్చర్యకరంగా తొలగించినది తెలిసిందే. నాలుగు నెలల్లో కొత్త సారథిని ఏర్పాటు చేస్తామని చెప్పిన టాటా సన్స్.. ఇందుకు ఓ కమిటీని కూడా ఏర్పాటు చేసింది. అందాక మాజీ చైర్మన్ రతన్ టాటాను తాత్కాలిక చైర్మన్‌గా నియమించింది. మిస్ర్తి తొలగింపునకు కారణాలను టాటా సన్స్ వెల్లడించలేదు. అయితే తనను అన్యాయంగా తొలగించారని మిస్ర్తి అంటుండగా, రతన్ టాటాపై తీవ్ర విమర్శలు గుప్పించారు. టాటా కూడా దీనిపై ధీటుగా స్పందిస్తుండగా, వీరిరువురి మధ్య ఇప్పుడు మాటల యుద్ధం కొనసాగుతోంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.