బిజినెస్
హిల్లరీ గెలుస్తుందనే ఆశలతో..
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, నవంబర్ 7: దేశీయ స్టాక్ మార్కెట్లు ఎట్టకేలకు వరుస నష్టాల నుంచి కోలుకున్నాయి. సోమవారం లాభాల్లో ముగిశాయి. హిల్లరీ క్లింటన్‌కు ఎఫ్‌బిఐ నుంచి క్లీన్‌చిట్ రావడం మార్కెట్లను ఉత్సాహపరిచింది. ప్రస్తుత అమెరికా అధ్యక్ష ఎన్నికల నేపథ్యంలో ట్రంప్ ముందంజలోకి రావడానికి హిల్లరీ వ్యక్తిగత ఈ-మెయిల్ సర్వర్ వ్యవహారంపై ఎఫ్‌బిఐ విచారణ కూడా ఓ కారణమే. అయితే ఎన్నికలకు ముందు ఈ వ్యవహారంలో ఎఫ్‌బిఐ నుంచి హిల్లరీకి ఉపశమనం లభించడంతో ఎన్నికల్లో ఆమే విజయం సాధిస్తారన్న నమ్మకం మదుపరులలో వ్యక్తమైంది. దీనికి నిదర్శనమే భారత్‌సహా ప్రపంచంలోని ప్రధాన దేశాల స్టాక్ మార్కెట్ల లాభాలు. ఇక బాంబే స్టాక్ ఎక్స్‌చేంజ్ సూచీ సెనె్సక్స్ 184.84 పాయింట్లు పుంజుకుని 27,458.99 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 63.30 పాయింట్లు అందుకుని 8,497.05 వద్ద నిలిచింది. మెటల్, హెల్త్‌కేర్, బ్యాంకింగ్, రియల్టీ, ఎఫ్‌ఎమ్‌సిజి, ఫైనాన్స్, చమురు, గ్యాస్ రంగాల షేర్లకు కొనుగోళ్ల మద్దతు లభించగా, టెలికామ్, క్యాపిటల్ గూడ్స్ రంగాల షేర్లు అమ్మకాల ఒత్తిడికి లోనయ్యాయి. ఆసియా మార్కెట్లలో జపాన్, చైనా, హాంకాంగ్, ఐరోపా మార్కెట్లలో జర్మనీ, ఫ్రాన్స్, బ్రిటన్ సూచీలు లాభపడ్డాయి.
త్వరగా నిర్ణయం తీసుకోండి
న్యూఢిల్లీ: మరోవైపు టాటా-మిస్ర్తిల వ్యవహారంపై విదేశీ మదుపరులు స్పందించారు. ఈ వ్యవహారాన్ని వీలైనంత త్వరగా తేల్చుకోవాలని సూచించారు. లేనిపక్షంలో స్టాక్ మార్కెట్లలోని టాటా గ్రూప్ సంస్థల షేర్ల విలువ మరింత పతనం కాగలదన్న ఆందోళనను వ్యక్తం చేశారు. టాటా సన్స్ చైర్మన్‌గా సైరస్ మిస్ర్తిని తొలగించినది తెలిసిందే. తాత్కాలిక చైర్మన్‌గా రతన్ టాటాను నియమించగా, నాలుగు నెలల్లో కొత్త సారథిని ఎంపిక చేసేందుకు ఓ కమిటీ కూడా ఏర్పాటైంది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.