నిలదొక్కుకుంటా!

బాలీవుడ్‌లో నిలదొక్కుకుంటానంటోంది అందాల తార తాప్సీ. టాలీవుడ్, కోలీవుడ్‌లో గ్లామర్ పాత్రలతో అందర్నీ ఆకట్టుకున్న ముద్దుగుమ్మ తాప్సీ టార్గెట్ బాలీవుడ్డేనట. వినడానికి ఆశ్చర్యంగా వున్నా..ఇది నిజమేనట. తెలుగులో ముఖ్యంగా తన గ్లామర్‌తో యువతను కట్టిపడేసిన ఈ సుందరాంగి కెరీర్ చూస్తున్నంతలోనే అడ్రస్ లేకుండా పోయింది. తాజాగా బాలీవుడ్‌లో ‘పింక్’ అనే చిత్రంలో నటిస్తోంది. ఇందులో బిగ్‌బి అమితాబ్ నటిస్తున్నారు. ‘‘తెలుగులో మంచి పాత్రలు చేశాను. నటనతో అందర్నీ గెలుచుకున్నా. అలాగే బాలీవుడ్‌లో ఎలాగైనా నెట్టుకొస్తానన్న గట్టి నమ్మకం నాకుంది. ఆ దిశగా ప్రయత్నాలు సాగిస్తున్నా. ఇప్పుడిప్పుడే మంచి మంచి అవకాశాలు వస్తున్నాయి. చాలా మంది దర్శక, నిర్మాతలు కలిశారు. నా క్యారెక్టర్ గురించి చెప్పారు. త్వరలోనే మరో మూడు సినిమాలు చేయడానికి సిద్ధమవుతున్నాను. ఆ చిత్రాలు పూర్తయి ప్రేక్షకుల ముందుకొస్తే బాలీవుడ్‌లో నేననుకున్న టార్గెట్‌కు చేరువవుతానన్న ఆశ..నమ్మకం నాలో బలంగా వుంది’’అంటూ చెప్పుకొచ్చింది అందాలభామ తాప్సీ. మరి..మీరేమంటారు?! సరేలే..ఎవరి ఆశ వారికుంటుంది మరి!