నేర్చుకుందాం

మధ్యాక్కర
తనుమధ్య దానొక్కకన్య సురనదీతటమున నన్నుఁ
గనిన నక్కన్యకఁ జూచి ‘నీ విట్టి కమనీయ రూప
వొనర నా సుతునకు భార్యవగు మన్న నొడఁబడి యియ్య
కొనియెఁ గావున దానిఁ దగ వివాహ మగుము నెయ్యమునను’

భావం: ప్రతీప మహారాజు తన భార్య యైన సునందాదేవితో చేసిన పుణ్యకర్మల వల్ల వారికి శంతనుడను కుమారుడు పుట్టాడు. పెద్దవాడైన తన కుమారుడికి ప్రతీపుడు రాజ్యభారాన్ని అప్పగించాడు. ఆ సందర్భంలో గంగానదీతీరంలో నాకు ఓ కన్య కనిపించింది. ఆ కన్యను నేను నా కుమారుడికి భార్యగా ఉండుమని అడిగాను. అపుడు ఆ కన్య నా మాటను అంగీకరించింది. ఆమెను నీవు వివాహం చేసుకొనుము అని శంతనునితో ప్రతీపుడు చెప్పాడు.

శ్రీమదాంధ్ర మహాభారతము - ఆదిపర్వము