నేర్చుకుందాం

వడిదనిపించు కొనుటకు
గడియైనను బట్టకుండు గాంతలలోనె
క్కుడు గుణవతి యనిపించెడి
నడవడి నేర్చుటయె కడు ఘనంబు కుమారీ!
భావము: ఓ కుమారీ! సమర్థురాలు అనే ప్రఖ్యాతిని పొందడానికి గడియసేపైనా పట్టదు. స్ర్తిలలోపల ఎక్కువ గుణవతిగా ప్రఖ్యాతిని కలిగినట్టి నడవడికను అభ్యాసం చేయడమే మిక్కిలి గొప్పది. కార్యములలో మిక్కిలి సమర్థురాలు అనే పేరు పొందడం ఎక్కువ కాదని స్ర్తిలలో మిక్కిలి గుణవంతురాలని ప్రఖ్యాతి పొందడమే మిక్కిలి గౌరవమని కవి భావించి వివరించాడు.
బక్కి వెంకట నరసింహ కవి రచించిన కుమారీ శతకములోనిది. - కె. లక్ష్మీఅన్నపూర్ణ