నేర్చుకుందాం

నీతి ప్రౌఢ విహారులైన నిపుణుల్ నిందింపనీ మెచ్చనీ
ఖ్యాతిం జెందిన సంపదల్ నిలవనీ గాఢంబుగా సాగనీ
ఘాతం బపుడ పొందనీ నియతియై గానీ యుగాంతంబునన్
నీతి శ్లాఘ్య పదంబు దప్పరు గదా నిత్యంబు ధీరోత్తముల్

భావము:్ధరులైనవారు తాము నమ్ముకున్న మంచి మార్గంలోనే పోతూ వుండగా కొందరు ఆ మార్గం తప్పని నిందించవచ్చు. మరికొందరు మంచి మార్గమని పొగడవచ్చు. ధీరుడు ఈ నిందాస్తుతులను లెక్కచేయడు. సంపదలు రానూ వచ్చు, ఉన్న సంపదలు పోనూ వచ్చు. ధీరుడు ఈ రెండింటినీ లెక్కచేయడు. తాను న్యాయమార్గంలో నడుస్తున్నపుడు ఒకప్పుడు వెంటనే మరణం సంభవించవచ్చు లేదా కల్పాంతరంలోనైనా కలుగవచ్చు. ధీరుడు వీటిని లెక్కచేయడు. మంచి వచ్చినా, చెడు వచ్చినా లెక్కచేయక ధీరుడు న్యాయమార్గాన్ని విడిచిపెట్టడు.

ఏనుగు లక్ష్మణ కవి రచించిన భర్తృహరి నీతి శతకములోనిది.- కె. లక్ష్మీఅన్నపూర్ణ