నేర్చుకుందాం

ఆ. చెలగి లేవ నేడ్చు చిఱుతుక దానిఁగ్ర
వ్యాదఘోర మృగము లశనబుద్ధిఁ
బట్టకుండఁ జెట్టుపలఁ గప్పి రక్షించు
కొని శకుంతతులు గూడియుండె
భావం: చిట్టిపాపగా ఉన్న పసిగందు పైకి లేవటానికి చేతకాక ఏడుస్తూ ఉంటే ఆ అరుపు విని రాక్షసులూ, క్రూర మృగాలూ తినాలనే కోర్కెతో నోటకరుచుకొని పోకుండా పక్షుల గుంపులు తమ రెక్కలతో ఆ బిడ్డను రక్షించుకుంటూ గుమికూడి ఉన్నాయి. విశ్వామిత్రుని తపోదీక్షను భగ్నంచేయడానికి వచ్చిన మేనకు కు వాయువు మన్మథుడు తోడుగా నిలిచారు. దేవేంద్రుని పని సానుకూలం చేశారు. విశ్వామిత్రుడు తపస్సు వదిలి మేనక వలపుబంధీ అయ్యాడు. కొన్నాళ్లల్లో మేనక విశ్వామిత్రుల కలయక వలన చిన్న ప్రాణి పోసుకొంది. విశ్వామిత్రుడు తన తప్పు తెలుసుకొని మరలా తపో భూమికి వెళ్లిపోయాడు. మేనక మాలినీ నదీతీరాన ఈ చిన్ని పసిపాపను వదిలి తాను దేవలోకానికి వెళ్లిపోయంది. ఇక ఆ ఇసుక తినె్నలమీద పడుకొన్నపాపను చూచేవారులేకపోవడం చూచిన పక్షుల గుంపులు ఆ పాపను రక్షించదలిచి తమ రెక్కలను సాచాయ.

శ్రీమదాంధ్ర మహాభారతము - ఆదిపర్వము