బదిలీ ఉత్తర్వుల కోసం నిరీక్షణ

ఏలూరు, జూన్ 17 : ప్రభుత్వం ఇచ్చిన నిబంధనల మేరకు సాంఘిక సంక్షేమ శాఖలోని నాల్గవ తరగతి ఉద్యోగులు ఆన్‌లైన్ ద్వారా బదిలీలకు దరఖాస్తులు చేశారు. నిబంధనల్లో స్వగ్రామమై వుండకూడదని, గతంలో చేసిన స్థానం అయి వుండరాదని, బంధుమిత్రులు వున్న ప్రాంతం ఉండకూడదని, అత్తవారి ఇల్లు కూడా వుండకూడదని ఈ మేరకు దరఖాస్తులు చేసుకోవాలని ఆదేశించారు. ఉద్యోగులు ఆన్‌లైన్ దరఖాస్తులు అందించారు. శుక్రవారం జల భవన్ వద్ద గల కంప్యూటర్ విభాగం నుంచి ఉత్తర్వులు ఇస్తామని పిలుపునివ్వడంతో జిల్లాలోని వివిధ ప్రాంతాల్లో పనిచేస్తున్న సాంఘిక సంక్షేమ శాఖలోని నాల్గవ తరగతి ఉద్యోగులు జల భవన్ వద్ద ఉత్తర్వుల కోసం నిరీక్షించారు.