బిజినెస్
బ్రిడ్జ్‌స్టోన్ ఇండియా బ్రాండ్ అంబాసిడర్‌గా పివి సింధు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: టైర్ల తయారీ దిగ్గజం బ్రిడ్జ్‌స్టోన్ ఇండియా.. ప్రముఖ బాడ్మింటన్ క్రీడాకారిణి పివి సింధును తమ తొలి బ్రాండ్ అంబాసిడర్‌గా ప్రకటించింది. బుధవారం ఇక్కడ జరిగిన విలేఖరుల సమావేశంలో ఈ మేరకు బ్రిడ్జ్‌స్టోన్ కార్పొరేషన్ సీనియర్ ఉపాధ్యక్షుడు, ఎగ్జిక్యూటివ్ ఆఫీసర్ ఫ్రాంకో అన్నుంజిటో స్పష్టం చేశారు. మూడేళ్ల ఒప్పందంలో భాగంగా ఇకపై సింధు బ్రిడ్జ్‌స్టోన్ కార్యకలాపాల్లో పాలుపంచుకోనుంది. నిరుడు రియో ఒలింపిక్స్‌లో రజత పతకాన్ని సాధించిన తొలి భారత క్రీడాకారిణిగా సింధు చరిత్ర సృష్టించినది తెలిసిందే. గ్లాస్గోలో జరిగిన ఇటీవలి ప్రపంచ బాడ్మింటన్ చాంపియన్‌షిప్‌లోనూ రజత పతకాన్ని సాధించి అందరినీ ఆకర్షించిన సింధు కోసం కార్పొరేట్ వర్గాలు ఇప్పుడు అమితాసక్తిని కనబరుస్తున్నాయి. కాగా, మహారాష్ట్ర, మధ్యప్రదేశ్‌ల్లో ఉన్న రెండు తయారీ కేంద్రాలను విస్తరించడానికి రాబోయే ఐదేళ్లలో 1,940 కోట్ల రూపాయల పెట్టుబడులను పెట్టనున్నట్లు జపాన్‌కు చెందిన బ్రిడ్జ్‌స్టోన్ ఈ సందర్భంగా తెలిపింది. మహారాష్టల్రోని పుణె, మధ్యప్రదేశ్‌లోని ఇండోర్‌లలో బ్రిడ్జ్‌స్టోన్‌కు ప్లాంట్లున్నాయి. విస్తరణ తర్వాత ఈ ప్లాంట్ల ఉత్పాదక సామర్థ్యం రోజుకు 25,000 టైర్ల నుంచి 40,000 టైర్లకు పెరుగుతుందని అన్నుంజిటో చెప్పారు. ఇక ఒలింపిక్ క్రీడలకు గ్లోబల్ అసోసియేట్‌గా ఉన్న బ్రిడ్జ్‌స్టోన్‌కు భారతీయ బ్రాండ్ అంబాసిడర్‌గా, అదికూడా తొలి బ్రాండ్ అంబాసిడర్‌గా నియామకం కావడంపట్ల చాలా సంతోషంగా ఉందని పివి సింధు ఈ సందర్భంగా అన్నారు.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.