బిజినెస్
ప్రభుత్వం, పారిశ్రామికవేత్తలు కలిసి పనిచేయాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ప్రభుత్వం, పరిశ్రమలయజమాన్యాలు విద్య, సంక్షేమం, నాణ్యమైన ఆరోగ్య సేవల రంగంలో కలిసిపనిచేయాల్సిన సమయం ఆసన్నమైందని, ఈ దిశగా పారిశ్రామికవేత్తలు కృషి చేయాలని రాష్ట్ర గవర్నర్ ఇఎస్‌ఎల్ నరసింహన్ అన్నారు. శుక్రవారం ఇక్కడ తెలంగాణ నిర్మాణం అనే అంశంపై సిఐఐ తెలంగాణ విభాగం నిర్వహించిన సదస్సును ఆయన ప్రారంభించారు. ఈ సందర్భంగా ఆయన మాట్లాడుతూ సామాన్యమానవులకు మంచినీరు, నాణ్యమైన విద్య, పక్కా గృహం నిర్మించేందుకు ప్రభుత్వాలు కృషి చేయాలన్నారు. కొత్త రాష్ట్రం తెలంగాణ అభివృద్ధికి అన్ని వర్గాలు మమేకం కావాలని ఆయన కోరారు. రాష్ట్భ్రావృద్ధిలో మానవవనరులు కీలకపాత్రవహిస్తాయన్నారు. ఈ సందర్భంగా ఆయన సిఐఐ తెలంగాణ నూతన విభాగాన్ని అభినందించారు. రాష్ట్రప్రభుత్వ ప్రధాన కార్యదర్శి డాక్టర్ ఎస్‌కె జోషి పరిశ్రమల రంగంలో చేపట్టిన నూతన సంస్కరణలను వివరించారు. ఈ కార్యక్రమంలో ఐటి శాఖ కార్యదర్శి జయేష్ రంజన్, సాంఘిక సంక్షేమ శాఖ కార్యదర్శి ఆర్‌ఎస్ ప్రవీణ్ కుమార్, టాటా స్ట్రైవ్ చీఫ్ ఆపరేటింగ్ ఆఫీసర్ అనిత రంజన్, సియాంట్ ఎండి కృష్ణబోదనపు, సిఐఐ తెలంగాణ విభాగం చైర్మన్ వి రాజన్న, డిప్యూటీ చైర్మన్ ఆర్ దినేష్ ప్రసంగించారు
కొత్త చైర్మన్‌గా సంజయ్ సింగ్
సిఐఐ ( భారతీయ పరిశ్రమల సమాఖ్య) తెలంగాణ విభాగం చైర్మన్‌గా సంజయ్ సింగ్, వైస్ చైర్మన్‌గా కిర్బీ బిల్డింగ్ సిస్టమ్స్ ఇండియా మేనేజింగ్ డైరెక్టర్ డి రాజు ఎన్నికయ్యారు. ఈ వివరాలను సిఐఐ ప్రకటనలో వెల్లడించింది. చైర్మన్‌గా ఎన్నికైన సంజయ్ సింగ్ కాన్పూర్ ఐఐటిలో కెమికల్ ఇంజనీరింగ్ పట్టా తీసుకున్నారు. ఐటిసి భద్రాచలం బోర్డులో మేనేజిమెంట్ ట్రైనీగా 1977లో చేరారు. అదే సంస్థలో ఉన్నత స్థానానికి పదోన్నతి చెందారు. 2017-18 లో సిఐఐ తెలంగాణ చాప్టర్‌కు వైస్‌చైర్మన్‌గా పనిచేశారు. ఆరు సంవత్సరాల పాటు సిఐఐ ఉమ్మడి ఆంధ్రప్రదేశ్ విభాగంలో ఇంధనం, పర్యావరణం విభాగాలను పర్యవేక్షించారు. వైస్‌చైర్మన్‌గా ఎన్నికైన డి రాజు నిజామాబాద్ జిల్లాకు చెందిన వారు. ఉస్మానియా వర్శిటీ నుంచి సివిల్ ఇంజనీరింగ్‌లో, ఎంబిఏలో డిగ్రీ తీసుకున్నారు. 2012 నుంచి సిఐఐ కార్యకలాపాల్లో చురుకుగా పాల్గొంటున్నారు.
చిత్రం..సీఐఐ తెలంగాణ విభాగం నిర్వహించిన సదస్సులో గవర్నర్, పారిశ్రామిక వేత్తలు
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.