హైదరాబాద్, ఆగస్టు 6: కాలుష్య రహిత వాహనాలకు ప్రోత్సహకాలు అందిస్తామని రాష్ట్ర రోడ్డు రవాణాశాఖ మంత్రి పి మహేందర్‌రెడ్డి తెలిపారు. శనివారం చందానగర్‌లోని స్పోర్ట్స్ హబ్‌ను ఆయన స్థానిక ఎమ్మెల్యే అరికెపూడి గాంధీ, ఎమ్మెల్సీలు పట్నం నరేందర్‌రెడ్డి, భూపాల్‌రెడ్డిలతో కలసి ప్రారంభించారు. ఈ సందర్భంగా ఆయన కొత్తగా మార్కెట్‌లోకి వచ్చిన హీరో సైకిల్ కంపెనీ వారి ఈ-బైక్ (ఎలక్ట్రికల్)ను ఆవిష్కరించారు.

శేరిలింగంపల్లి, ఆగస్టు 6: చందానగర్‌లోని గంగారం వద్ద గల సెంట్రో షోరూంలో భారీ అగ్నిప్రమాదం సంభవించింది. ఐదు అంతస్తుల భవనంలోని చెప్పులు, బట్టలు అగ్నికి ఆహుతయ్యాయి. ఉదయం పది గంటల నుంచి రాత్రి వరకు మంటలు చెలరేగుతూనే ఉన్నాయి. ఏడు అగ్నిమాపక యంత్రాల ద్వారా మంటలు చల్లారుస్తున్నప్పటికీ రాత్రి వరకు మంటలు చల్లారలేదు. దీంతో జాతీయ రహదారిపై తీవ్ర ట్రాఫిక్ జాం కావడంతో వాహనదారులు ఇక్కట్లకు గురయ్యారు.

హైదరాబాద్, ఆగస్టు 6: తెలంగాణ రాష్ట్ర ఆవిర్భావం తర్వాత ప్రధాని నరేంద్రమోదీ మొట్టమొదటి సారిగా ఆదివారం నగరానికి రానున్నారు. మిషన్ భగీరథ కార్యక్రమాన్ని మెదక్ జిల్లాలోని గజ్వేల్ నియోజకవర్గంలో ప్రారంభించినానంతరం నగరంలోని ఎల్బీ స్టేడియంలో జరిగే బిజెపి బహిరంగ సభకు హాజరుకానున్నారు. ఈ క్రమంలో ప్రధానికి ఘనంగా స్వాగతం పలికేందుకు కమలనాథులు నగరంలో భారీగా ఏర్పాట్లు చేశారు.

లహరి ఆ రోజు హడావిడిగా బయలుదేరింది. తనకు పెళ్లిచూపులు. ఏంటో ఒక్క సంబంధం కుదిరి చావడంలేదు. ప్రతిసారి స్వీట్స్‌కి, పూలకి, మ్యారేజ్ బ్యూరో వాళ్లకి ఈ ఖర్చులన్నీ పెట్టలేక ఛస్తుంది తను. అవును మధ్య తరగతి వాళ్లు చూడటానికి రిచ్‌గా ఉండేలా కనిపిస్తూ ఉంటారు. ఆ రోజు ఆఫీసుకు రావడానికి కూడా ఛార్జీల వరకే ఉంచుకుని వచ్చేవాళ్లు ఎంతమందో. ఒక్కోసారి ఛార్జీలు కూడా పక్కింటి వాళ్లని అడగవలసి వస్తుంది.