మహబూబ్‌నగర్, జూలై 4: రాష్ట్ర ప్రభుత్వం తీసుకువచ్చిన 123 జిఓను పూర్తిగా వ్యతిరేకించి ఈ జిఓకు చట్టబద్దత లేదంటూ కాంగ్రెస్ పార్టీ నేతలు ఆరోపణలు గుప్పిస్తున్నారు. అయితే యూపిఏ ప్రభుత్వ హయంలో పార్లమెంట్‌లో తీసుకువచ్చిన 2013 భూసేకరణ చట్టమే శ్రేయస్కారం అనే విధంగా ప్రజల్లో అవగాహన కల్పించేందుకు కాంగ్రెస్ పార్టీ సిద్ధమైంది.

మహబూబ్‌నగర్‌టౌన్, జూలై 4: పవిత్ర రంజాన్ మాసంలో ముస్లీం యువత చేడు అలవాట్లకు దూరంగా ఉండి పవిత్రతతో దైవచింతనలో గడపాలని ఎంఐఎం ఎంపి అసదుద్దిన్ ఒవైసి పిలుపునిచ్చారు. సోమవారం మహబూబ్‌నగర్ పట్టణంలోని జామా మసీదులో కొత్తగా నిర్మించిన ముఖద్వారాన్ని ఆయన ప్రారంభించారు. అనంతరం ఏర్పాటు చేసిన కార్యక్రమంలో ఆయన మాట్లాడుతూ ముస్లీం యువకులు దైవాంగిక కార్యక్రమాల్లో పాల్గొనాలని ఆయన సూచించారు.

అలంపూర్, జులై 4: దక్షిణకాశి శ్రీ జోగుళాంబదేవి, బాలబ్రహ్మేశ్వరస్వామి ఆలయాలను సోమవారం ఎక్సైజ్ అడిషనల్ కమీషనర్ ప్రసాద్ సతీసమేతంగా దర్శించుకున్నారు. వీరికి ఆలయ సాంప్రదాయ పద్దతిలో స్వాగతం పలికారు. బాలబ్రహ్మేశ్వరస్వామి, జోగుళాంబదేవి సన్నిదిలో ప్రత్యేక పూజలు నిర్వహించారు. ఆలయ అర్చకులు తీర్థప్రసాదాలు అందజేసి శేషవస్త్రాలతో సత్కరించారు.

మహబూబ్‌నగర్, జూలై 4: తెలంగాణ హరితహారంలో భాగంగా జిల్లాలో ఐదు కోట్ల మొక్కలను నాటాలని సన్నదం అయ్యామని జిల్లా కలెక్టర్ టికె శ్రీదేవి వెల్లడించారు. సోమవారం మహబూబ్‌నగర్ జిల్లా పరిషత్ మైదానం వద్ద విద్యార్థులతో ఏర్పాటు చేసిన తెలంగాణ హరితహారం ర్యాలీని కలెక్టర్ జెండా ఊపి ప్రారంభించారు. ఈ సందర్భంగా ప్రట్టణంలోని ట్రాఫిక్ పోలీస్‌స్టేషన్, డిఇఓ కార్యాలయం, తెలంగాణ చౌరస్తా మీదుగా భారీ ర్యాలీ నిర్వహించారు.