నెల్లిమర్ల, జూలై 4: గ్రామ పం చాయతీ సాధనకు జరజాపుపేటలో ని ర్వహిస్తున్న రిలే నిరాహారదీక్షలు సోమవారానికి అర్థశత దినోత్సవానికి చేరుకున్నాయి. పార్టీలకు అతీతంగా చేపట్టిన ఈ దీక్షలకు అన్ని వర్గాల నుంచి సంఘీభావం లభించింది. గ్రామంలో మహిళ లు, వృద్ధులు,చిన్నారులు, పురోహితు లు, దివ్యాంగులు, ఉద్యోగ విరమణ పొ ందిన వారు దీక్షల్లో కూర్చున్నారు.

గజపతినగరం, జూలై 4: ప్రస్తుత ఆర్థిక సంవత్సరంలో మండలానికి 16కోట్ల రూపాయలు బ్యాంకు రుణాలు ఇవ్వాలని లక్ష్యంగా పెట్టుకున్నట్లు వెలుగు ప్రా ంతీయ సమన్వయకర్త కె. రాజేశ్వరి అన్నారు. సోమవారం స్థానిక వెలుగు కార్యాలయంలో మండల సమాఖ్య సమావేశం జరిగింది. ఈ సందర్భంగా ఆమె మాట్లాడుతూ ఇంతవరకు రూ.2.50కోట్లు రుణాలు అందజేశామని తెలిపారు.

నెల్లిమర్ల, జూలై 4: మండలంలోని కొండవెలగాడలో డయేరియా ప్రబలింది. గ్రామంలో సుమారు 20మంది వరకు డయేరియాతో స్థానిక పిహెచ్‌సిలో చికిత్స పొందుతున్నారు. ఇందులో ఒకరి పరిస్థితి ఆందోళనకరంగా ఉండడంతో నెల్లిమర్ల సిహెచ్‌సికి తరలించారు. గ్రామంలోని మొయిదపేట ఎస్సీ కాలనీ, రెడ్డికవీధి వాసు లు డయేరియాతో పిహెచ్‌సిలో చేరారు. వెంటనే స్పందించిన వైద్యులు నాగరాజు రోగులకు ఫ్లూయిడ్స్ ఎక్కించారు.

వేపాడ, జూలై 4: మండలంలోని బల్లంకి పాల సంఘానికి నేడో,రేపో ఎన్నికలు జరిపేందుకు విశాఖ డెయిరీ యాజమాన్యం ఏర్పాట్లు చేస్తోంది. ప్రస్తుత అధ్యక్షు డు తాతారావు పదవీకాలం పూర్తికావడంతో నూతన పాలక వర్గానికి ఎన్నికలు నిర్వహించా ల్సి ఉంది. ముందుగా అధ్యక్షు డు ఎన్నిక జరగాల్సి ఉన్నందున ఈ పదవి కోసం ఒకే కుటుంబానికి చెందిన అన్నదమ్ములు పోటీ పడుతుండడం విశేషం.