హైదరాబాద్, సెప్టెంబర్ 7: ఆన్‌లైన్ మార్కెటింగ్ దిగ్గజం అమెజాన్.. దేశంలోనే తమ అతిపెద్ద ఫుల్‌ఫిల్‌మెంట్ సెంటర్‌ను హైదరాబాద్ సమీపంలోని శంషాబాద్ వద్ద ఏర్పాటు చేసింది. నానాటికీ ఆన్‌లైన్ మార్కెటింగ్ గణనీయంగా పుంజుకుంటున్న నేపథ్యంలో వినియోగదారులకు మరింత వేగంగా సేవలను అందించాలనే లక్ష్యంతో వెళ్తోంది అమెజాన్.

న్యూఢిల్లీ, సెప్టెంబర్ 7: మెక్‌డొనాల్డ్స్‌తో కుదుర్చుకున్న ఫ్రాంచైజ్ లైసెన్స్ ఒప్పందం రద్దునకు వ్యతిరేకంగా విక్రమ్ బక్షీ దాఖలు చేసిన పిటీషన్‌పై ఎలాంటి మధ్యంతర ఉత్తర్వులనూ జారీ చేయలేమని నేషనల్ కంపెనీ లా అప్పీలెట్ ట్రిబ్యునల్ (ఎన్‌సిఎల్‌ఎటి) గురువారం స్పష్టం చేసింది.

హైదరాబాద్, సెప్టెంబర్ 7: భారత వ్యవసాయ రంగం అభివృద్ధిలో చురుకైన పాత్ర పోషించాలన్నదే ఇంగ్లాండ్ ప్రభుత్వ లక్ష్యమని బ్రిటీష్ డిప్యూటీ హై కమిషనర్ ఆండ్రూ ఫ్లెమింగ్ అన్నారు. గురువారం ఇక్కడ వ్యవసాయ రంగ అధునాతన పరిజ్ఞాన ప్రదర్శనా వేదికైన ‘అగ్రిటెక్స్ 2017’ను ఫ్లెమింగ్ ప్రారంభించారు. మూడు రోజుల పాటు జరిగే ఈ వార్షిక ఎగ్జిబిషన్‌లో అంతర్జాతీయ దిగ్గజ సంస్థలతోపాటు పలు విదేశీ కంపెనీలు పాల్గొన్నాయి.

న్యూఢిల్లీ, సెప్టెంబర్ 7: ప్రధాన్ మంత్రి గరీబ్ కల్యాణ్ యోజన (పిఎమ్‌జికెవై) క్రింద 21 వేల మంది 4,900 కోట్ల రూపాయల విలువైన నల్లధనాన్ని బహీర్గతపరిచారని అధికార వర్గాలు గురువారం వెల్లడించాయి. నిరుడు నవంబర్ 8న పాత పెద్ద నోట్ల రద్దు అనంతరం పిఎమ్‌జికెవై పథకాన్ని కేంద్రంలోని నరేంద్ర మోదీ సర్కారు పరిచయం చేసినది తెలిసిందే. ఈ ఏడాది మార్చి 31న ఈ పథకం ముగిసిపోయింది.