విశాఖపట్నం, అక్టోబర్ 16: విశాఖపట్నం-చెన్నైల మధ్య పారిశ్రామిక నడవ (ఇండస్ట్రీయల్ కారిడర్) ఏర్పాటులో భాగంగా ముఖ్యమైన విద్యుత్ సబ్‌స్టేషన్ల నిర్మాణం జరగాల్సి ఉంది. ఇందుకోసం ఆంధ్రప్రదేశ్ ట్రాన్స్‌కో ప్రత్యేక కార్యాచరణ రూపొందించింది. ఇప్పటికే ఆంధ్ర రాష్ట్రంలో ఆయా జిల్లాల పరిధుల్లో అవసరమైన సబ్‌స్టేషన్ల నిర్మాణానికి అయ్యే వ్యయాన్ని అంచనా వేసి ప్రభుత్వానికి పంపించింది.

ముంబయి, అక్టోబర్ 16: సోనీ పిక్చర్స్ నెట్‌వర్క్స్ ఇండియాకు చెందిన హిందీ సినిమాల చానెల్ సోనీ మ్యాక్స్‌లో ప్రసారమైన సుల్తాన్ సినిమా ప్రకటనల ఆదాయం రికార్డు స్థాయిలో నమోదైంది. బాలీవుడ్ ప్రముఖ నటుడు సల్మాన్ ఖాన్ నటించిన ఈ సినిమా ఈ ఏడాది జూలై 6న విడుదలవగా, ప్రపంచవ్యాప్తంగా 585 కోట్ల రూపాయల వసూళ్లను సాధించి విజయవంతమైనది తెలిసిందే. దేశీయ మార్కెట్ నుంచే 421 కోట్ల రూపాయలు వచ్చాయి.

అనకాపల్లి, అక్టోబర్ 15: దేశంలోనే ప్రసిద్ధిగాంచిన అనకాపల్లి మార్కెట్‌లో బెల్లానికి కనీవినీ ఎరుగని రీతిలో రేటు పలుకుతోంది. ఆశించని, ఊహించని విధంగా బెల్లానికి పలుకుతున్న ధరలు చూసి రైతులు ఆనందంతో తబ్బిబ్బవుతున్నారు. పది కిలోల మంచి రంగు బెల్లం గురువారం 455 రూపాయల రేటు పలికింది. నాసిరకం నలుపు రంగు బెల్లానికి సైతం 350 నుండి 370 రూపాయల వరకు ధర లభించింది.

న్యూఢిల్లీ, అక్టోబర్ 15: పెట్రోల్, డీజిల్ ధరలు శనివారం మరోసారి పెరిగాయి. ఇలా పెరగడం గడచిన రెండు నెలల్లో ఐదోసారి కావడం గమనార్హం. ఇక లీటర్ పెట్రోల్ ధర రూ. 1.34, డీజిల్ ధర రూ. 2.37 ఎగిసింది. పెరిగిన ధరలు అర్ధరాత్రి నుంచే అమల్లోకి వచ్చాయి. తాజా పెంపుతో ఢిల్లీలో లీటర్ పెట్రోల్ ధర రూ. 66.05లకు చేరగా, డీజిల్ ధర రూ. 55.26లను తాకింది.