వాషింగ్టన్, సెప్టెంబర్ 14: స్వల్ప అస్వస్థతకు గురైన డెమోక్రటిక్ పార్టీ అభ్యర్థిని హిల్లరీ క్లింటన్ గురువారం నుంచి యథావిధిగా ఎన్నికల ప్రచారంలో పాల్గొంటారు. న్యుమోనియాతో బాధపడుతున్న హిల్లరీ కొద్దిరోజులుగా ప్రచారానికి దూరంగా ఉన్నారు. విశ్రాంతి తరువాత ఆమె కోలుకున్నారని పార్టీ వర్గాలు వెల్లడించాయి. ఎన్నికల ప్రచారంలో ఉండగా గొం తుకు సంబంధించిన సమస్య తలెత్తింది.

జెనీవా, సెప్టెంబర్ 14: నిన్న మొన్నటి వరకూ కాశ్మీర్ అంశాన్ని ఐరాసలో ప్రస్తావించి భారత్‌ను ఇరకాటంలో పడేసిన పాకిస్తాన్‌కు ఇప్పుడు కథ అడ్డం తిరిగింది. మొట్టమొదటి సారిగా బలూచిస్తాన్ అంశాన్ని ఐరాసలో ప్రస్తావించింది. అక్కడి ప్రజలపై పాకిస్తాన్ సాగిస్తున్న దాడులను ప్రపంచ దేశాల దృష్టికి తెచ్చింది.

బీజింగ్, సెప్టెంబర్ 13: భారత్, చైనాల మధ్య వివిధ అంశాలపై సమస్యలు ఉన్నప్పటికీ, ఇరుదేశాల మధ్య స్నేహం వాటిని అధిగమిస్తుందని చైనా పేర్కొంది. రెండు దేశాలకు లాభదాయమైన సహకారాన్ని విస్తరించుకుంటూ భారత్‌తో చైనా కలిసి పని చేస్తుందని చైనా విదేశీ మంత్రిత్వ శాఖ ప్రతినిధి చన్‌యంగ్ తెలిపారు. అభివృద్ధి భాగస్వామ్యంలో రెండు దేశాలు కూడా కలిసి పని చేస్తాయన్నారు.

కరాచీ: మంగళవారం బక్రీద్‌ నాడు పాక్‌లో ప్రత్యేక ప్రార్థనలు చేస్తుండగా షియా వర్గీయులను లక్ష్యంగా చేసుకుని రెండు చోట్ల ఆత్మాహుతి దాడులు జరిగాయి. ఈ ఘటనలో 13 మంది గాయపడ్డారు. శిఖాపూర్‌ జిల్లా ఖాన్‌పూర్‌ ప్రాంతంలో నలుగురు దుండగులు మసీదుపై దాడి చేశారు. ఓ దుండగుడు తనను తాను పేల్చుకుని ఆత్మాహుతి దాడికి పాల్పడగా మరో వ్యక్తి అక్కడి నుంచి పరారయ్యాడు. ఇద్దరు పోలీసులు సహా 10 మంది గాయపడ్డారు.