నోట్ బందీగా గవర్నమెంట్ పెట్టిన చలామణీలో వున్న కరెన్సీ రద్దు ఫలితంగా చాలాకాలం లావాదేవీలు యిచ్చిపుచ్చుకోడాలూ దెబ్బతిన్నాయ్. వీటిలో ఒకటి గాడిదల వ్యాపారం పూణేలో మహారంజుగా సాగుతుంది. అది గానీ నవంబర్ 18 నుంచీ సంభవించిన ‘నోట్ బందీ’- ‘నోట్ బదిలీ’ మీద దెబ్బతీసింది. ఏటా పూణే సంతలో ఒక కోటిన్నర గార్ధ్భ రాజములు అమ్ముడుపోయేవి. కానీ, రుూసారి నగదు రహిత చెల్లింపు నియమం కారణంగా ఎక్కడి గాడిదలక్కడే వుండిపోయాయి.

అడవి జంతువులకి కూడా సంరక్షణ కావాలి మరి. మధురలో ఒక (ఉత్తరప్రదేశ్) వన్య మృగ సంరక్షణాలయం భారీ ఎత్తున పనిచేస్తూ వుంది. బానిసత్వం నుంచీ, వెట్టిచాకిరీ నుంచీ కొన్ని ఏనుగుల్ని విడిపించుకొచ్చి వాటికి జలుబు, రొంపా పట్టకుండా వేణ్నీళ్ల స్నానాలూ గట్రా చేయించే రుూ సెంటర్ కోసం ఎంతోమంది భూత దయగల వనితామణులు పూలు వుండలు (ఉండలా? కొండలా?) తెచ్చుకుని స్వెట్టర్లు అల్లుతున్నారు.

విశ్వసుందరి కిరీటాన్ని సాధించిన ఫ్రాన్స్ భామ ఇరిస్ మిథెనరికి పిల్లులంటే ఎనలేని ప్రేమ. ఆమె వద్ద రెండు పిల్లులు పెరుగుతున్నాయి. డెంటల్ సర్జరీ చేసిన ఈ సుందరి మంచి సింగర్ లేదా డ్యాన్సర్ అవ్వాలని చిన్నప్పటి నుంచి కలలు కన్నది. జీవితం అంటే ఫన్నీగానూ, జాగ్రత్తగా ఉండటమేనని సెలవిస్తుంది. 63 ఏళ్ల తరువాత ఫ్రాన్స్ తరపున రెండవ విశ్వసుందరిగా ఎంపికై ఇరిస్‌కు క్రీడలంటే ఇష్టం.

మలైకా అరోరాఖాన్‌కు డ్యాన్స్, నటనలోనే కాదు పాకశాస్త్రంలోనూ ప్రావీణ్యం ఉంది. చక్కగా వంట కూడా చేస్తుంది. మోడల్‌గానూ, నటిగానూ, టీవి నటిగా తనదైన శైలిలో ముందుకు వెళుతున్న మలైకా ఇటీవల ముంబయిలోని వాస్వాని పాల్తేకలినరీ అకాడమీ నిర్వహించిన వంటల కార్యక్రమానికి విచ్చేసింది. వంటల్లోనూ తన ప్రావీణ్యాన్ని చూపించింది. ఆమె మంచి తిండిగత్తే. పాలు, క్యారెట్ అంటే అసలు ఇష్టముండదు.