విజయనగరం, సెప్టెంబర్ 1: ఓటుకు నోటు కేసులో జైలుకు వెళ్లవల్సి వస్తోందనే భయంతోనే ముఖ్యమంత్రి చంద్రబాబు కేంద్రంతో అణిగిమణిగి ఉంటున్నారని వైఎస్సార్ కాంగ్రెస్ పార్టీ జిల్లా అధ్యక్షుడు, ఎమ్మెల్సీ కోలగట్ల వీరభద్రస్వామి ఆరోపించారు. ఈ కారణంగానే ప్రత్యేకహోదా విషయాన్ని కేంద్రం పట్టించుకోకుండా వ్యవహరిస్తే ముఖ్యమంత్రి నోరు మెదపటం లేదని విమర్శించారు.

విజయనగరం, సెప్టెంబర్ 1: జిల్లాలో మరుగుదొడ్ల నిర్మాణ కార్యక్రమం అమలులో ప్రజాప్రతినిధులకు చిత్తశుద్ధి లేకుండా పోయిందని లోక్‌సత్తా రాష్ట్ర ప్రధాన కార్యదర్శి భీశెట్టి బాబ్జీ ఆరోపించారు. జిల్లావ్యాప్తంగా 90 శాతానికిపైగా కుటుంబాలకు మరుగుదొడ్లు లేవని అధికారులే నిర్థారించడాన్ని గమనిస్తే పాలకులు ప్రజలకు కనీస సౌకర్యాలు కల్పించడంలో ఏమేరకు చిత్తశుద్ధితో వ్యవహరిస్తున్నారో స్పష్టం అవుతోందన్నారు.

విజయనగరం (్ఫర్టు), సెప్టెంబర్ 1: పట్టణంలో శాంతినగర్‌లో బీసెంట్ స్కూల్‌కు వెళ్లే రోడ్డులో మద్యం దుకాణాలను మూసివేయాలని మహిళలు చేపడుతున్న నిరసన కొనసాగుతోంది. మహిళల నిరసన గురువారం నాటికి మూడవ రోజుకు చేరుకుంది. ఇక నుంచి షాపుల ముందు నిరవధిక ధర్నా చేయాలని నిర్ణయించారు. రెండుషాపుల ముందు గురువారం నిరవధిక ధర్నాను చేపట్టారు. అదే విధంగా వంటా-వార్పు కార్యక్రమాన్ని నిర్వహించారు.

విజయనగరం, సెప్టెంబర్ 1: జిల్లా పోలీసు విభాగంలో వివిధ హోదాల్లో పనిచేసి పదవీ విరమణ చేసిన నలుగురు పోలీసు అధికారులను ఎస్పీ కాళిదాసు గురువారం జిల్లా పోలీసు కార్యాలయంలో జరిగిన ఆత్మీయ వీడ్కోలులో ఘనంగా సన్మానించారు. ఆర్మ్‌డ్ రిజర్వ్ విభాగం ఎస్సై సూర్యనారాయణ, పోలీసు కంట్రోల్ రూమ్ ఎఎస్సై అప్పలరాజు, బొండపల్లి ఎఎస్సై సుదర్శనరావు, గుర్ల ఎఎస్సై మురళీధర్ గురువారం పదవీ విరమణ చేశారు.