75 కిలోల గంజాయి పట్టివేత

శంఖవరం, జూలై 22: గంజాయిని కారులో తరలిస్తుండగా అన్నవరం పోలీసులు శుక్రవారం పట్టుకున్నారు. పోలీసులు తెలిపిన వివరాల ప్రకారం..విశాఖ జిల్లా మాడుగుల నుండి 75 కేజీల గంజాయిని కారులో తరలిస్తుండగా అన్నవరం పిఎస్సై శ్రీనివాసరావు ఆధ్వర్యంలో పోలీసులు పట్టుకున్నారు. కారుతోపాటు ఎం శ్రీను, సూర్యనారాయణ, వెంకట్రావు అనే ముగ్గురు వ్యక్తులను అదుపులోకి తీసుకున్నట్లు పోలీసులు తెలిపారు. వీరిని శనివారం కోర్టుకు తరలించనున్నట్లు పోలీసులు వెల్లడించారు.