జాతీయ వార్తలు
నదిలో పడిన పెళ్లి బస్సు 15 మంది మృతి
S ,7 à 8 RSCA (si SASPAS) et 6 cialis pharmacie cialis rapports de stage.
ఇటార్సి, డిసెంబర్ 15: మధ్యప్రదేశ్‌లోని హోషంగాబాద్ జిల్లాలో మంగళవారం పెళ్లి బృందంతో వెళ్తున్న ఒక బస్సు వంతెనపైనుంచి నదిలో పడిపోవడంతో ఏడుగురు మహిళలు సహా 15 మంది చనిపోగా, మరో 38 మంది తీవ్రంగా గాయపడ్డారు. బస్సు ఇండోర్ నుంచి పరాసియా వెళ్తుండగా మంగళవారం ఉదయం ఈ ప్రమాదం జరిగినట్లు సోహగ్‌పూర్ పోలీసు స్టేషన్ ఇన్‌చార్జి సిద్ధార్థ్ సింగ్ చెప్పారు. ప్రమాదంలో గాయపడిన వారినందరినీ భోపాల్, హోషంగాబాద్‌లలోని ప్రైవేటు ఆస్పత్రుల్లో చేర్పించారని డివిజనల్ కమిషనర్ వికె బాతమ్ చెప్పారు. సోహగ్‌పూర్‌కు 7 కిలోమీటర్ల దూరంలోని లోంగాబంజరి గ్రామం వద్ద బస్సు ఒక నది వంతెనను దాటుతున్నప్పుడు ఈ ప్రమాదం జరిగింది. మధ్యప్రదేశ్ ముఖ్యమంత్రి శివరాజ్ సింగ్ చౌహాన్ తీవ్ర సంతాపం వ్యక్తం చేస్తూ మృతుల కుటుంబాలకు తలా లక్షన్నర, గాయపడిన వారికి 50 వేలు, స్వల్ప గాయాలయిన వారికి పాతిక వేల పరిహారాన్ని ప్రకటించారు.
ప్రమాదం జరిగిన వెంటనే హోషంగాబాద్ జిల్లా కలెక్టర్ సంకేత్ భోండ్వే, ఇతర ఉన్నతాధికారులు సంఘటనా స్థలానికి చేరుకుని సహాయక చర్యలను పర్యవేక్షిస్తున్నారు. కేసు దర్యాప్తుకొనసాగుతోందని పోలీసులు తెలిపారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.