జనాంతికం - బుద్దా మురళి

సందట్లో సడేమియా..

S ,7 à 8 RSCA (si SASPAS) et 6 cialis pharmacie cialis rapports de stage.

‘‘వాళ్లేంటి అంతలా ఎగురుతున్నారు, ఆనందంతో కేరింతలు కొడుతున్నారు. గెంతుతున్నారు. ఉద్యోగం వచ్చిందా? పెళ్లి కుదిరిందా?’’
‘‘ఈ రోజుల్లో అవంత ఈజీ కాదు కానీ... ఏదో ఓ ఉద్యోగం దొరకొచ్చు కానీ పెళ్లి మాత్రం చాలా కష్టం..’’
‘‘మరి అంతకు మించి వారికి ఏం మేలు జరిగింది? లాటరీ తగిలిందా అంటే ఈ రోజుల్లో అవి లేవు కూడా’’
‘‘అంతకు మించి.. ఢిల్లీ ఫలితాలు చూడలేదా?’’
‘‘ఓహో ఇవి రాజకీయ ఎగురుడులా? ఆప్ కార్యకర్తలన్న మాట.. తెలుగునాట కూడా ఆప్ కార్యకర్తలున్నారా? గత ఎన్నికల్లో ఢిల్లీలో కేజ్రీవాల్ గెలవగానే జెపి కలిసి పని చేద్దాం అని ప్రతిపాదించారు. కలిసి పని చేయడం కాదు.. మీ వల్ల కాదు కానీ కలిపేయండి అని కేజ్రీవాల్ సలహా ఇచ్చాడు. అప్పుడే అనుకున్నాను కేజ్రీ కనిపించేంత అమాయకుడేం కాదు. జేపీకే తాత అని అప్పుడు జాతీయ పార్టీలన్నీ ఇక దేశాన్ని పాలించేది కేజ్రీనే అని తెగ హడావుడి చేశాయి. హర్యానా, పంజాబ్ ఎన్నికల్లో అధికారంలోకి వచ్చేది ఆప్‌నే ఆ తరువాత ఇక ఢిల్లీ పగ్గాలు చేపట్టడమే తరువాయి అని పేరుమోసిన చానల్స్‌లో చాలానే హడావుడి జరిగింది. హర్యానా, పంజాబ్‌లో అడ్రెస్ లేకుండా పోయింది. ఇప్పుడు తెలుగు నాట వెలగబోతున్నదన్నమాట’’
‘‘శుభమా అని గెలిస్తే నీ వెటకారాలు అవసరమా? ఒకే ఒక్కడు వందల మంది ఎంపిలు, మంత్రులు, ప్రధాని వెంట పడ్డా కేజ్రీ మళ్లీ గెలిచాడు దానికి అభినందించు ముం దు’’
‘‘అయ్యో గెలుపును నేనెలా కాదంటాను. మీడియా మాటలు నమ్మి దేశమంతా చక్రం తిప్పాలనుకుంటే కేజ్రీ కూడా ఇప్పటికే మాజీ అయిపోయేవాడు. మీడియా ఎంతో కొంత తీవ్రంగా విమర్శించింది కాబట్టే కేజ్రీ అందరినీ తట్టుకుని తిరిగి అధికారం నిలబెట్టుకున్నాడు. హర్యానా, పంజాబ్ తరువాత... ఢిల్లీ రాష్టమ్రే కానీ దేశం కాదు అని గ్రహించి ఢిల్లీకే పరిమితం అయ్యాడు కాబట్టి మళ్లీ గెలిచాడు. ఢిల్లీ పక్కనున్న పంజాబ్‌లోనే ఏమీ చేయలేకపోయినా తెలుగునాట విజృంభించేందుకు రంగం సిద్ధం కావడం విశేషమే..’’
‘‘తెలుగునాట వారి ప్రభావం ఉందని నీకెవరు చెప్పారు?’’
‘‘మరి ఆ ఎగురుతున్న వాళ్లు?’’
‘‘వాళ్లు ఆప్ వాళ్లు కాదు..’’
‘‘మరి మూడు సీట్ల నుంచి ఎనిమిది స్థానాలకు ఎదిగామని బిజెపి వాళ్లు సంబరపడుతున్నారా?’’
‘‘దేశమంతా ఢిల్లీలో బైటాయించినా సింగిల్ డిజిట్ దాటనందుకు వాళ్లు బాధఫడతారు, సమీక్షించుకుంటారు కానీ ఇలా ఎగిరి గంతులెందుకు వేస్తారు’’
‘‘ఆప్ కాదు, బీజేపీ కాదు ఇంకెవరు కొంపదీసి వామపక్షాలా?’’
‘‘ఏహే.. వాళ్లకు నోటా కన్నా తక్కువ ఓట్లు ఆప్‌కు వచ్చిన సీట్ల కన్నా ఎక్కువ ఓట్లు వచ్చాయి. వారు కాదు లే... ’’
‘‘ఓహో ఆప్‌కు సీట్లు, వామపక్షాలకు ఓట్లు సమ సంఖ్య అంటే ఈ విధంగానైనా సమ ఉజ్జీగా నిలిచారు. ఇంతకు మరలా ఎగురుతున్నదెవరు?’’
‘‘ ఊహించుకో చూద్దాం..’’
‘‘నువ్వే చెప్పు..’’
‘‘ఆశ్చర్యంగా ఉండొచ్చు కానీ... వాళ్లు హస్తం వాళ్లు...’’
‘‘ఢిల్లీలో వారికి ఎన్ని సీట్లు వచ్చాయి. గత ఎన్నికల్లో వచ్చిన సీట్ల కన్నా ఎన్ని ఎక్కువ వచ్చాయి’’
‘‘ఢిల్లీ ఎన్నికల్లో తమ బలాన్ని స్థిరంగా నిలుపుకున్నది ఒక్క హస్తం వాళ్లు మాత్రమే. ఆప్ కొన్ని సీట్లు, ఓట్లు కోల్పోయింది. బిజెపి కొన్ని సీట్లు పెంచుకున్నది. కానీ గత ఎన్నికల్లో ఈ ఎన్నికల్లో హస్తం సీట్లలో ఎలాంటి మార్పు లేదు..’’
‘‘అంటే?’’
‘‘అంటే గత ఎన్నికల్లో సున్నానే... ఇప్పుడూ సున్నానే..’’
‘‘వావ్ షీలాదీక్షిత్ నేతృత్వంలో పదిహేనేళ్లపాటు ఢిల్లీని పాలించిన పార్టీకి ఒక్కటంటే ఒక్కసీటు రాకపోవడం మరీ ఓటర్లు నిర్దయలు... ’’
‘‘తమకు వరుసగా ఒక్కసీటు రాలేదన్న బాధకన్నా తమ ప్రత్యర్థి బీజేపీ ఓడిపోవడం వారికి సంతోషాన్ని కలిగించింది. అందుకే అలా ఎగురుతున్నారు’’
‘‘నాకు హస్తం వాళ్ల సిద్ధాంతం బాగా నచ్చింది’’
‘‘ఏంటా సిద్ధాంతం?’’
‘‘నిన్ననే ఓషో కొటేషన్లు కొన్ని చదివాను. మనిషి అనే వాడు దుఃఖాన్ని ఆహ్వానిస్తుంటాడు. ఎక్కడెక్కడ కష్టాలు కనిపిస్తే స్వాగతిస్తూ ఏడుస్తుంటాడు. నువ్వు ఏడుపును ఆహ్వానిస్తున్నప్పుడు నీకు దక్కేది ఏడుపే... అలానే సంతోషాన్ని ఆహ్వానిస్తే సంతోషమే దక్కుతుంది అంటాడు ఓషో... మన పూర్వులు యద్భావం తద్భవతి.. అని ఇదే విషయాన్ని ఒక్క ముక్కలో తేల్చేశారనుకో.. ఐనా ఆధునికులు ఇంగ్లీష్‌లో చెబితే ఆ మాటలకు ఉండే ఆసక్తే వేరు’’
‘‘ఓషో మాటలకు కాంగ్రెస్ సిద్ధాంతాలకు సంబంధం ఏమిటో?’’
‘‘తమకు వరుసగా సున్నా సీట్లు వచ్చినా బాధపడకుండా ఆప్ విజయాన్ని తామూ అనుభవిస్తూ ఆనందంతో గెంతులు వేయడం అంటే ఓషో సిద్ధాంతాన్ని ఆనుసరించడానికి ఇంతకు మించి ఏముంటుంది?’’
‘‘పెద్ద శత్రువును దెబ్బతీయడం తన వల్ల కానప్పుడు, తన ప్రత్యర్థిని ఎవరు ఓడించినా సంబరపడితే తప్పేముంది?’’
‘‘తప్పని ఎవరన్నారు? మేం ఓడిపోయాం, ఓడించలేమని నిరంతరం మదనపడడం కన్నా ఇతర పార్టీలు ఆ పని చేసినప్పుడు సంబరపడడం ఓషో చూపిన మార్గంలో పయనిస్తున్నారని చెబుతున్నాను.’’
‘‘అంటే హస్తం వారికి భవిష్యత్తు లేదంటావా?’’
‘‘అది చెప్పాల్సింది నువ్వు, నేను కాదు. అధ్యక్ష పదవి వద్దే వద్దని భీష్మించుకున్న యువరాజు చెప్పాలి’’
‘‘సరే ఇంతకూ ఢిల్లీ ఫలితాలపై ఏమంటావు?’’
‘‘ఇవిఎంలను ఆపరేట్ చేసే టెక్నీషియన్ సెలవులో ఉన్నాడేమో?’’
‘‘తుంటిమీద కొడితే మూతిపళ్లు రాలాయన్నట్టు.. నేను ఫలితాల గురించి అడిగితే నువ్వు ఇవిఎంల గురించి చెబుతావేం.’’
‘‘ఇవిఎంలను ట్యాంపరింగ్ చేస్తున్నారు. గతంలో చేశారు. అందుకే దేశంలో వివిధ రాష్ట్రాల్లో ఫలితాలు ఇలా వచ్చాయని అన్నారు కదా? ఢిల్లీలో ఇవిఎంల మీద రాష్ట్ర అధికార పక్షం, దేశ అధికార పక్షం వేరువేరుగా అనుమానాలు వ్యక్తం చేశారు కదా? ’’
‘‘ఎన్నికలు అన్నాక, రాజకీయ పార్టీలు పోటీ చేస్తాయి. పోటీ అన్నాక రంగంలో ఉన్న ఎవరో ఒకరు గెలుస్తారు. ఒకరు ఓడిపోతారు. ఎందుకు ఓడిపోయావు అంటే ఏదో ఒక కారణం చెప్పాలి కదా? అందుకే ఇవిఎంల మీద అనుమానాలు వ్యక్తం చేస్తారు.’’
‘‘అంటే కొన్ని పార్టీలు, కొందరు మేధావులు చెప్పిన దాని ప్రకారం ఢిల్లీలో ఆప్ గెలిస్తే ఇవిఎంలు బాగా పని చేస్తున్నట్టు, ఓడిపోతే బాగా పని చేయడం లేదు అంతేనా?’’
‘‘అలా అని కాదు... ఎవరి జాగ్రత్త వారిది...’’
‘‘అంటే ఆంధ్రలో టీడీపీ ఓడిపోయినప్పుడు ఇవిఎంల వల్లనే అని జాతీయ స్థాయిలో ఉద్యమం చేసిన బాబు, ఆయనకు మద్దతుగా నిలిచిన మేధావులు, మీడియా నిజం తెలిసే అలా చేశారా? దేశంలో బీజేపీ, తెలంగాణలో టీఆర్‌ఎస్ ఘన విజయం సాధిస్తే ఇవిఎంల వల్లనే అని ఉద్దేశపూర్వకంగానే ఆరోపణలు చేశారా? ’’
‘‘ఇప్పుడా పాత విషయాలు ఎందుకులే’’
‘‘ఓడిన వారు ఎందుకు ఓడారు, గెలిచిన వారు ఎలా గెలిచారు అని సమీక్షించుకుంటే అందరికీ మేలు. శుక్రవారం పోలింగ్ జరగడం వల్ల ఓడిపోయాం. ఇవిఎంల వల్ల అంకూ కుంటిసాకులు వెతికే వారిని శాశ్వతంగా ప్రజలు ఎక్కడ పెట్టాలో అక్కడ పెడతారు..’’

buddhamurali2464@gmail.com