జాతీయ వార్తలు
99.8 శాతం బాండ్లు పెద్ద డినామినేషన్లవే
S ,7 à 8 RSCA (si SASPAS) et 6 cialis pharmacie cialis rapports de stage.
ఇండోర్, ఏప్రిల్ 14: రాజకీయ పార్టీలు 2018 మార్చి నుంచి 2019 జనవరి 24వ తేది వరకు ఎన్నికల బాండ్ల ద్వారా స్వీకరించిన విరాళాలలో 99.8 శాతం విరాళాలు అధిక డినామినేషన్లయిన రూ. 10 లక్షలు, రూ. ఒక కోటివి ఉన్నాయని సమాచార హక్కు చట్టం (ఆర్‌టీఐ) కింద పొందిన గణాంకాలు వెల్లడించాయి. దాతలు రూ. 1,407.09 కోట్ల విలువయిన ఎన్నికల బాండ్లను కొనుగోలు చేయగా, అందులో రూ. 1,403.90 కోట్ల విలువయిన బాండ్లు అధిక డినామినేషన్లయిన రూ. 10 లక్షలు, రూ. ఒక కోటివి ఉన్నాయి. చంద్రశేఖర్ గౌడ్ అనే సామాజిక కార్యకర్త ఆర్‌టీఐ కింద స్టేట్ బ్యాంక్ ఆఫ్ ఇండియా (ఎస్‌బీఐ) నుంచి పొందిన ఈ గణాంకాలను మీడియాకు విడుదల చేశారు. దాతలు రూ. 10 లక్షల విలువ గల 1,459 ఎన్నికల బాండ్లను, రూ. ఒక కోటి విలువ గల 1,258 ఎన్నికల బాండ్లను కొనుగోలు చేశారు. వారు రూ. ఒక లక్ష విలువ గల 318 బాండ్లను, రూ. 10వేల విలువ గల 12 బాండ్లను, రూ. వెయ్యి డినామినేషన్ గల 24 బాండ్లను కొనుగోలు చేసినట్టు గౌడ్ ఆర్‌టీఐ కింద సమాచారాన్ని కోరుతూ చేసిన దరఖాస్తుకు ఇచ్చిన సమాధానంలో ఎస్‌బీఐ తెలిపింది. రాజకీయ పార్టీలు రూ. 1,395.89 కోట్ల విలువయిన ఎన్నికల బాండ్లను తిరిగి నగదుగా మార్చుకున్నాయి. ఎన్ని రాజకీయ పార్టీలు ఎన్నికల బాండ్లను తిరిగి నగదుగా మార్చుకున్నాయి? ఏ పార్టీకి ఎన్ని నిధులు వచ్చాయి? అనే వివరాలు కూడా తెలపాలని చంద్రశేఖర్ గౌడ్ తన దరఖాస్తులో కోరారు. అయితే, ఎస్‌బీఐ ఆ వివరాలను వెల్లడించలేదు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.