జాతీయ వార్తలు
షీలా దీక్షిత్‌కు కన్నీటి వీడ్కోలు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 21: ఢిల్లీ మాజీ ముఖ్యమంత్రి, కాంగ్రెస్ పార్టీ సీనియర్ నాయకురాలు షీలా దీక్షిత్‌కు అభిమానులు, నాయకులు అశ్రునయానాలతో తుది వీడ్కోలు పలికారు. గుండెనొప్పితో శనివారం మరణించిన 81 ఏళ్ల షీలా దీక్షిత్‌కు కడసారిగా తుది వీడ్కోలు పలికేందుకు వేలాదిమంది కార్యకర్తలు, నాయకులు తరలివచ్చారు. బోరున వర్షం ఒకపక్క కురుస్తున్నా, బలమైన ఈదురు గాలులు వీస్తున్నా ఇక్కడి నిగమ్‌బోధ్ ఘాట్‌లో ఆదివారం జరిగిన మాజీ ముఖ్యమంత్రి షీలా అంత్యక్రియలకు అభిమానులు తరలిరావడం గమనార్హం. యూపీఏ చైర్‌పర్సన్ సోనియా గాంధీ, ఆమె కుమార్తె, కాంగ్రెస్ ప్రధాన కార్యదర్శి ప్రియాంక గాంధీ వాద్రా షీలా దీక్షిత్ అంతిమయాత్రలో పాల్గొన్నారు. అదేవిధంగా కేంద్ర హోంశాఖ మంత్రి అమిత్ షా, ఢిల్లీ ముఖ్యమంత్రి అరవింద్ కేజ్రీవాల్, ఉపముఖ్యమంత్రి మనీష్ సిసోడియా, హోం మంత్రి సత్యేంద్ర జైన్ తదితరులు కూడా అంతిమ యాత్రకు హాజరయ్యారు. ఇదిలావుండగా, అంతకుముందు యూపీఏ చైర్‌పర్సన్ సోనియా గాంధీ మూడుసార్లు ఢిల్లీ ముఖ్యమంత్రిగా పనిచేసిన తన స్నేహితురాలైన షీలా దీక్షిత్ తనకు ఒక స్నేహితురాలే కాకుండా తనకు తోబుట్టులాంటివారని అభివర్ణించారు. షీలా దీక్షిత్ మృతి కాంగ్రెస్ పార్టీకి తీరని లోటని సోనియాగాంధీ వ్యాఖ్యానించారు. కాగా, బీజేపీ దిగ్గజ నేత ఎల్‌కే అద్వానీ, కేంద్ర విదేశీ వ్యవహారాల శాఖ మాజీ మంత్రి సుష్మా స్వరాజ్ సైతం షీలా దీక్షిత్ స్వగృహానికి చేరుకుని నివాళి అర్పించారు.
ఇదిలావుండగా, దివంగత ముఖ్యమంత్రి షీలా దీక్షిత్ మృతదేహాన్ని ఢిల్లీలోని కాంగ్రెస్ పార్టీ కార్యాలయాన్ని తరలించగా, ఎంతోమంది నాయకులు సందర్శించి నివాళులు అర్పించారు. వీరిలో మాజీ ప్రధాని మన్మోహన్ సింగ్, ముఖ్యమంత్రులు అశోక్ గెహ్లాట్, కమల్ నాథ్ ఉన్నారు. అనంతరం షీలా దీక్షిత్ మృతదేహాన్ని పార్టీ రాష్ట్ర కార్యాలయానికి తరలించగా ఆమె స్నేహితులు, నాయకులు, కార్యకర్తలు షీలా దీక్షిత్ 15 ఏళ్లపాటు ముఖ్యమంత్రిగా పనిచేసిన రోజులను మననం చేసుకున్నారు. షీలా దీక్షిత్ స్నేహితుడు, ఢిల్లీ మైనారిటీ కమిషన్ మాజీ సభ్యుడు అనస్తాసియా గిల్ ఈ సందర్భంగా మాట్లాడుతూ ముఖ్యమంత్రిగా, కాంగ్రెస్ నాయకురాలుగా ఆమె బలమైన నిర్ణయాలు తీసుకోవడంలో చూపే తెగువను ఈ సందర్భంగా గుర్తు చేసుకున్నారు. మూడుసార్లు ముఖ్యమంత్రిగా పనిచేసిన కాలంలో అవినీతి ఆరోపణలకు ఎలాంటి తావు లేకుండా వాటికి వ్యతిరేకంగా పోరాడారని ఆయన పేర్కొన్నారు. ఇదిలావుండగా, ప్రధానమంత్రి నరేంద్ర మోదీ శనివారంనాడు బీజేపీ ఢిల్లీ అధ్యక్షుడు మనోజ్ తివారీతో కలసి దివంగత ముఖ్యమంత్రి, కాంగ్రెస్ సీనియర్ నాయకురాలు షీలా దీక్షిత్ నివాస గృహానికి వెళ్లారు.
చిత్రాలు..షీలా దీక్షిత్ మృతదేహానికి సోనియా, ప్రియాంక, కేజ్రీవాల్ నివాళి
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.