జాతీయ వార్తలు
తమిళనాడు, పుదుచ్చేరిలకు ఊరట
S ,7 à 8 RSCA (si SASPAS) et 6 cialis pharmacie cialis rapports de stage.
చెన్నై/ కడలూరు, డిసెంబర్ 1: నాడా తుపాను గురువారం బలహీనపడి తీవ్ర వాయుగుండంగా మారడంతో తమిళనాడు, పుదుచ్చేరి ప్రజలకు కొంత ఊరట కలిగింది. ఈ తీవ్ర వాయుగుండం శుక్రవారం తమిళనాడు తీరాన్ని తాకే అవకాశం ఉంది. దీని ప్రభావం వల్ల ఇప్పటికే తమిళనాడులోని అనేక ప్రాంతాల్లో ఓ మోస్తరు వర్షాలు కురుస్తున్నాయి. ఈ తీవ్ర వాయుగుండం శుక్రవారం తెల్లవారు జామున కడలూరు, వేదారణ్యం మధ్య తీరాన్ని తాకే అవకాశం ఉందని ప్రాంతీయ తుపాను హెచ్చరికల కేంద్రం డైరెక్టర్ ఎ.బాలచంద్రన్ గురువారం చెన్నైలో విలేఖరులకు తెలిపారు. నాడా తుపాను ముంచుకొస్తోందని ఇప్పటికే పాలనా యంత్రాంగాన్ని హైఅలర్ట్ చేసిన అధికారులకు తుపాను బలహీనపడటం కొంత ఊరటనిస్తోంది. అధికారులు ఇప్పటికే నేషనల్ డిజాస్టర్ రెస్పాన్స్ ఫోర్స్ (ఎన్‌డిఆర్‌ఎఫ్), స్టేట్ డిజాస్టర్ రెస్పాన్స్ టీమ్‌లను మోహరించి ఉంచారు. విస్తృత స్థాయిలో ముందు జాగ్రత్త చర్యలు తీసుకున్నారు. అంతకుముందు నాడా తుపాను కడలూరు వద్ద తమిళనాడును తాకుతుందని, దీని ప్రభావం వల్ల రాష్ట్రంతోపాటు పొరుగున ఉన్న పుదుచ్చేరిలో భారీ వర్షాలు కురుస్తాయని వాతావరణ శాఖ కార్యాలయం ప్రకటించింది. అయితే బలహీనపడిన తుపాను తీవ్ర వాయుగుండంగా పుదుచ్చేరికి ఆగ్నేయంగా 210 కిలోమీటర్ల దూరంలో కేంద్రీకృతమై ఉందని బాలచంద్రన్ తెలిపారు. ఇది వాయవ్య దిశగా పయనిస్తూ తీరాన్ని తాకుతుందని పేర్కొన్నారు. దీని ప్రభావం వల్ల రాష్ట్రంలోని అనేక ప్రాంతాల్లో ఒక మోస్తరు వర్షాలు కురుస్తున్నాయని, ఇవి కొనసాగుతాయని ఆయన వివరించారు. కొన్ని తీర ప్రాంతాల్లో భారీ వర్షాలు కురుస్తాయని చెప్పారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.