జాతీయ వార్తలు
ఓటింగ్ జరగాల్సిందే
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 2: ఓటింగ్‌తో కూడిన చర్చ జరపాలంటూ ప్రతిపక్షాలు ఇచ్చిన నినాదాలతో శుక్రవారం లోక్‌సభ దద్దరిల్లిపోయింది. పశ్చిమ బెంగాల్‌లో టిఎంసి ప్రభుత్వాన్ని ఇబ్బందులకు గురిచేసేందుకు కేంద్ర ప్రభుత్వం సైన్యాన్ని దుర్వినియోగం చేస్తోందటూ ప్రతిపక్షాలు ఈరోజు లోక్‌సభను స్తంభింపజేశారు.
ప్రతిపక్షాలు సృష్టించిన గొడవ మూలంగా లోక్‌సభ కేవలం ఒక గంటా పదిహేను నిమిషాల పాటు గందరగోళంలో కొనసాగింది. ప్రతిపక్షం సృష్టించిన గందరగోళం మూలంగా లోక్‌సభ ఈరోజు కూడా మధ్యాహ్నం పనె్నండున్నరకే సోమవారానికి వాయిదా పడింది. లోక్‌సభ శుక్రవారం ఉదయం సమావేశమైన అనంతరం స్పీకర్ తృణమూల్ కాంగ్రెస్ పక్షం నాయకుడు సుదీప్ బందోపాధ్యాయకు మాట్లాడే అవకాశం ఇచ్చారు. కోల్‌కతాలో నిన్న సైన్యం అకస్మాత్తుగా టోల్‌ప్లాజాలను తమ అదుపులోకి తీసుకుందని, ఎందుకిలా జరిగిందని ఆయన ప్రశ్నించారు. మమతా బెనర్జీ కార్యాలయం ఉన్న రాష్ట్ర సచివాలయాన్ని సైన్యం చుట్టుముట్టిందని ఆయన ఆరోపించారు. రాష్ట్రంలోని పంతొమ్మిది ప్రాంతాల్లో సైన్యం మోహరింపు జరిగిందని బందోపాధ్యాయ చెప్పారు. రాష్ట్ర ప్రభుత్వం, పోలీసుల అనుమతి తీసుకోకుండా సైన్యం మోహరింపు ఎలా జరిగిందని ఆయ న ప్రశ్నించారు. కాంగ్రెస్ పక్ష నాయకుడు మల్లిఖార్జున ఖర్గే టిఎంసి వాదనను బలపరిచారు. రక్షణ శాఖ మంత్రి మనోహర్ పారికర్ మాట్లాడుతూ సైన్యం రెగ్యులర్ కార్యక్రమాన్ని రాజకీయం చేస్తున్నారని ఆరోపించారు. రాష్ట్ర ప్రభుత్వంతోపాటు స్థానిక పోలీసులతో చర్చించిన తరువాతనే సైన్యం ఈ కార్యక్రమం నిర్వహించింది, ఇది ప్రతి సంవత్సరం జరిగే కార్యక్రమం, ఈశాన్య రాష్ట్రాలలో కూడా కొనసాగుతోందన్నారు. సైనిక కార్యకలాపాలను రాజకీయం చేయవద్దని స్పష్టం చేశారు. టిఎంసి నిరాశా నిస్పృహలతో ఈవిధంగా చేస్తోందని పారికర్ దుయ్యబట్టారు. అయితే బందోపాధ్యాయ మాత్రం ఇదేదీ పట్టించుకోకుండా సైన్యం ఎందుకిలా చేస్తోందంటూ విమర్శలకు దిగారు. సుమిత్రా మహాజన్ ఈ దశలో ప్రశ్నోత్తరాల కార్యక్రమం చేపట్టారు. కాంగ్రెస్, తృణమూల్ కాంగ్రెస్, వామపక్షాల సభ్యులు పోడియం వద్దకు వచ్చి ప్రభుత్వానికి, ప్రధాని మోదీకి వ్యతిరేకంగా నినాదాలు ఇస్తూ సభా కార్యక్రమాలకు అడ్డుపడినా స్పీకర్ సుమిత్రా మహాజన్ దాదాపు నలభై ఐదు నిమిషాల పాటు ప్రశ్నోత్తరాల కార్యక్రమాన్ని కొనసాగించారు. ప్రశ్నోత్తరాల కార్యక్రమం కొనసాగినంత సేపు కాంగ్రెస్, టిఎంసి, వామపక్ష సభ్యులు పోడి యం వద్ద నిలబడి ప్రభుత్వానికి, మోదీకి వ్యతిరేకంగా నినాదాలు ఇవ్వడంతో లోక్‌సభ దద్దరిల్లిపోయింది. ప్రతిపక్ష సభ్యులకు నచ్చజెప్పేందుకు సుమిత్రా మహాజన్ చేసిన ప్రయత్నాలు విఫలమయ్యాయి. ఈ గందరగోళం మధ్యనే దాదాపు నలభై ఐదు నిమిషాల పాటు ప్రశ్నోత్తరాల కార్యక్రమాన్ని కొనసాగించిన అనంతరం సభను పనె్నండు గంటల వరకు వాయిదా వేశారు.
లోక్‌సభ తిరిగి సమావేశం కాగానే ఆమె ప్రభుత్వ పత్రాలను సభకు సమర్పించేసిన అనంతరం సావధాన తీర్మానాలపై చర్చ చేపట్టారు. పదిహేనుమంది సభ్యులు తమ సావధాన తీర్మానాలపై మాట్లాడారు. ఇదంతా ప్రతిపక్షం సభ్యుల నినాదాల గొడవ మధ్య కొనసాగటం గమనార్హం. దాదాపు అర్ధగంట పాటు కార్యక్రమం కొనసాగిన అనంతరం స్పీకర్ సుమిత్రా మహాజన్ సభను సోమవారం ఉదయం వరకు వాయిదా వేసి వెళ్లిపోయారు.
చిత్రం..ఓటింగ్‌తో కూడిన చర్చ జరపాలంటూ ప్రతిపక్షాలు
ఇచ్చిన నినాదాలతో శుక్రవారం దద్దరిల్లిపోయన లోక్‌సభ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.