జాతీయ వార్తలు
అగ్ని-4 పరీక్ష విజయవంతం
S ,7 à 8 RSCA (si SASPAS) et 6 cialis pharmacie cialis rapports de stage.
బాలాసోర్ (ఒడిశా), జనవరి 2: భారత్ అగ్ని-4 బాలిస్టిక్ క్షిపణిని సోమవారం విజయవంతంగా పరీక్షించింది. అణుపదార్థాలను మోసుకెళ్తూ నాలుగు వేల కిలోమీటర్ల దూరంలో గల లక్ష్యాన్ని ఛేదించగలిగే సామర్థ్యం గల ఈ వ్యూహాత్మక క్షిపణిని ఒడిశా తీరంలో ప్రయోగాత్మకంగా పరీక్షించారు. డాక్టర్ అబ్దుల్ కలాం ఐలాండ్ (వీలర్ ఐలాండ్) వద్ద గల ఇంటిగ్రేటెడ్ టెస్ట్ రేంజ్ (ఐటిఆర్)కు చెందిన లాంచ్ కాంప్లెక్స్-4 నుంచి మొబైల్ లాంచర్ సాయంతో ఉపరితలం నుంచి ఉపరితలంలోని లక్ష్యాన్ని ఛేదించగలిగే ఈ అగ్ని-4 క్షిపణిని ఉదయం 11.55 గంటలకు విజయవంతంగా పరీక్షించినట్లు రక్షణ పరిశోధన, అభివృద్ధి సంస్థ (డిఆర్‌డిఒ) వర్గాలు తెలిపాయి. స్వదేశీ సాంకేతిక పరిజ్ఞానంతో అభివృద్ధి చేసిన అగ్ని-4 క్షిపణిని పరీక్షించడం ఇది ఆరోసారని ఆ వర్గాలు వెల్లడించాయి. గతంలో చివరిసారిగా 2015 నవంబర్ 9న భారత సైన్యానికి చెందిన ప్రత్యేకంగా ఏర్పడిన స్ట్రాటజిక్ ఫోర్స్ కమాండ్ (ఎస్‌ఎఫ్‌సి) నిర్వహించిన అగ్ని-4 పరీక్ష కూడా విజయవంతమయింది. కాగా, సోమవారం పరీక్షించిన అగ్ని-4 బాలిస్టిక్ క్షిపణి గమనాన్ని పరిశీలించడానికి, పర్యవేక్షించడానికి ఒడిశా తీరం వెంట రాడార్లను, ఎలక్ట్రో ఆప్టికల్ వ్యవస్థలను ఏర్పాటు చేసినట్లు డిఆర్‌డిఒ వర్గాలు తెలిపాయి. అగ్ని-4 క్షిపణి నిర్దేశిత లక్ష్యాన్ని ఛేదించిందా లేదా అనే విషయాన్ని నిర్ధారించుకోవడానికి లక్షిత ప్రాంతానికి సమీపంలో భారత నావికాదళానికి చెందిన రెండు నౌకలను లంగరు వేసి ఉంచారు. అగ్ని-1, 2, 3, పృథ్వి వంటి బాలిస్టిక్ క్షిపణులు ఇప్పటికే భారత సాయుధ బలగాల అమ్ముల పొదిలో చేరి ఉన్నాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.