జాతీయ వార్తలు
మణిపూర్ బరిలో 54 మంది కోటీశ్వరులు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఫిబ్రవరి 27: మణిపూర్ అసెంబ్లీ ఎన్నికల తొలిదశలో 54 మంది కోటీశ్వరులు రంగంలో ఉన్నారు. మార్చి 4న ఇక్కడ మొదటి విడత పోలింగ్ జరుగుతోంది. ఎనిమిది మంది అభ్యర్థులపై క్రిమినల్ కేసులున్నాయని ఎలక్షన్‌వాచ్ అంట్ అసోసియేషన్ ఫర్ డెమోక్రటిక్ రిఫామ్స్ (ఏడిఆర్) సంస్థ వెల్లడించింది. 167 మంది అభ్యర్థులు సమర్పించిన ఎన్నికల అఫిడవిట్లను పరిశీలించిన తరువాత ఏడిఆర్ ఈ వివరాలు అందజేసింది. 17 రాజకీయ పార్టీలు అభ్యర్థులను నిలబెట్టాయ. ఆరు జాతీయ పార్టీలు, ఐదు ప్రాంతీయ పార్టీలు, 6 గుర్తింపులేని పార్టీలు, 14 మంది ఇండిపెండెంట్ అభ్యర్థులు బరిలో ఉన్నారు. పార్టీల వారీగా కోటీశ్వరులైన అభ్యర్థుల జాబితా ఏడిఆర్ విడుదల చేసింది. కాంగ్రెస్ 31 మంది అభ్యర్థులను నిలబెట్టగా 21మంది కోటీశ్వరులు. 38 మంది బిజెపి అభ్యర్థుల్లో 21 మంది, నేషనల్ పీపుల్స్ పార్టీలో ఐదుగురు, నార్త్ ఈస్ట్ ఇండియా డెవలప్‌మెంట్ పార్టీలో ఇద్దరు కోటీశ్వరులున్నారు. తొలి దశ ఎన్నికల్లో పోటీ చేస్తున్న అభ్యర్థుల యావరేజ్ ఆస్తి 1.04 కోట్లు. కాంగ్రెస్ అభ్యర్థుల విషయానికి వస్తే 1.73 కోట్లు, బిజెపి అభ్యర్థుల విషయానికి వస్తే 1.49 నేషనల్ పీపుల్స్ పార్టీ అభ్యర్థులకు 1.06 కోట్లగా సరాసరి ఆస్తులున్నాయి. అత్యంత సంపన్న అభ్యర్థి నాగా పీపుల్స్ ఫ్రంట్ అభ్యర్థి సేఫుహోకిప్. ఆయన ఆస్తులు 13 కోట్లు. బిజెపి అభ్యర్థి కొంతౌజాం కృష్ణకుమార్ 9 కోట్లతో రెండో స్థానంలో ఉన్నారు. ఎనిమిది కోట్లతో కాంగ్రెస్ అభ్యర్తి కె బీరెన్‌సింగ్ మూడో స్థానంలో ఉన్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.