జాతీయ వార్తలు
క్షేమంగా తిరిగొచ్చిన మత గురువులు
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 20: పాకిస్తాన్‌లో ఇటీవల అదృశ్యమైన ఢిల్లీలోని హజ్రత్ నిజాముద్దీన్ దర్గా ప్రధాన మత గురువు సయ్యద్ ఆసిఫ్ నిజామి, అతని మేనల్లుడు, సూఫీ మత గురువు నజీం అలీ నిజామి సోమవారం ఇక్కడికి క్షేమంగా తిరిగి వచ్చారు. అయితే వారు తాము ఎలా అదృశ్యమైందీ, ఎలా బయటపడిందనే వివరాలను వెల్లడించలేదు. పాకిస్తాన్ ఇంటర్నేషనల్ విమానయాన సంస్థకు చెందిన విమానంలో ఇక్కడికి చేరుకున్న వారిద్దరు అనంతరం విదేశీ వ్యవహారాల మంత్రి సుష్మా స్వరాజ్‌ను కలుసుకున్నారు. వీరిద్దరి అదృశ్యం సంఘటనను సుష్మా స్వరాజ్ పాకిస్తాన్ ప్రభుత్వం దృష్టికి తీసికెళ్లిన విషయం తెలిసిందే. ఈ ఇద్దరు ముస్లిం మత గురువులు తమ కష్టాలను క్లుప్తంగానే తెలిపినప్పటికీ, వారిద్దరికి భారత నిఘా సంస్థ రీసెర్చ్ అండ్ అనాలిసిస్ వింగ్‌తో సంబంధాలు ఉన్నాయని కరాచీ నుంచి వెలువడుతున్న ఒక ఉర్దూ దినపత్రికలో వచ్చిన వార్త ఆధారంగా వారిద్దరిని పాకిస్తాన్ నిఘా సంస్థ సిబ్బంది అదుపులోకి తీసుకున్నారని ఆసిఫ్ నిజామి కుమారుడు సాజిద్ నిజామి ఆరోపించారు. సింధ్ ప్రావిన్స్‌లోని మారుమూల ప్రాంతంలో కమ్యూనికేషన్ నెట్‌వర్క్ లేనందున తమను తమ వాళ్లు సంప్రదించ లేకపోయారన్న వార్తలను నజీం అలీ నిజామి తోసిపుచ్చారు. ‘సింధ్ ప్రావిన్స్‌లోకి వెళ్లడానికి మాకు వీసానే లేదు. అలాంటప్పుడు మేము అక్కడికి ఎలా వెళ్తాం?’ అని ఆయన అన్నారు. పాకిస్తాన్ నిఘా సంస్థ వారిని అదుపులోకి తీసుకుందని సాజిద్ చెప్పారు. స్వరాజ్‌తో భేటీ తరువాత, తాము సురక్షితంగా తిరిగి రావడానికి కృషి చేసిన భారత ప్రభుత్వానికి, ప్రత్యేకించి విదేశాంగ మంత్రికి నజీం అలీ నిజామి కృతజ్ఞతలు తెలిపారు. సహకరించిన పాకిస్తాన్ ప్రభుత్వానికి కూడా కృతజ్ఞతలు తెలిపారు.
చిత్రం..ఢిల్లీలో సోమవారం కేంద్ర మంత్రి సుష్మా స్వరాజ్‌తో భేటీ అయన మత గురువులు సయ్యద్ ఆసిఫ్ నిజామి, నజీం అలీ నిజామి
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.