జాతీయ వార్తలు
ఎలాంటి ముప్పువాటిల్లినా యుద్ధానికి సిద్ధం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూన్ 8: దేశ సార్వభౌమాధికారానికి ఎలాంటి ముప్పువాటిల్లినా ఎదుర్కోడానికి సిద్ధంగా ఉన్నామని భారత సైనిక ప్రధానాధికారి బిపిన్ రావత్ గురువారం ఇక్కడ ప్రకటించారు. కాశ్మీర్‌పై పాకిస్తాన్ చేస్తున్న మోసపూరిత ప్రచారం, ఎత్తుగడలు ఎప్పటికీ సాగవని ఆయన హెచ్చరించారు. ‘శతృదేశాల కవ్వింపు చర్యలను తిప్పికొట్టడానికి సైన్యం సిద్ధంగా ఉంది. ఎప్పుడు ఎలాంటి దాడులు దాడులు ఎదురైనా విజయవంతంగా తిప్పికొట్టగలం’ అని ఆయన స్పష్టం చేశారు. చైనా, పాకిస్తాన్ పేర్లు ప్రస్తావించకుండా ఆయనీ హెచ్చరికలు చేశారు. అంతర్గత భద్రత అలాగే పొరుగుదేశాల నుంచి వచ్చే ముప్పు నుంచి దేశాన్ని రక్షించుకునే సత్తా తమకు ఉందని బిపిన్ రావత్ చెప్పారు. ప్రతికూల పరిస్థితుల్లోనూ శతృవును దెబ్బతీయగల సామర్థ్యం తమకుందని, దీనికి తామెప్పుడూ సర్వసన్నద్ధంగానే ఉంటామని ఆర్మీ చీఫ్ పునరుద్ఘాటించారు. కాశ్మీర్ లోయలో శాంతిభద్రతలపై ఆయన మాట్లాడుతూ ‘పాకిస్తాన్ పనిగట్టుకుని మరీ సోషల్ మీడియాలో భారత్‌పై దుష్ప్రచారం చేస్తోంది. యువతను రెచ్చగొట్టడానికి ప్రయత్నిస్తోంది. అయితే పాక్ పన్నాగాలు సాగవు’ అని ఆయన స్పష్టం చేశారు. కాశ్మీర్‌లో త్వరలోనే సాధారణ పరిస్థితులు నెలకొంటాయన్న ఆశాభావం వ్యక్తం చేశారు. గత 40 ఏళ్లలో ఇండో-చైనా సరిహద్దులో ఒక్క తూటా కూడా వాడలేదని ప్రధాని మోదీనే ఓ సందర్భంలో అన్నారని రావత్ గుర్తుచేశారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.