జాతీయ వార్తలు
విద్యా రంగాన్ని సాంస్కృతిక విలువలతో అనుసంధానం చేయాలి
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 15: దేశాన్ని పట్టి పీడిస్తున్న వారసత్వ రాజకీయాలు, కులతత్వం, మైనారిటీల బుజ్జగింపు అనే రుగ్మతలను రూపు మాపడానికి, విద్యావిధానంలోని లోపాలను తొలగించడానికి, దేశ విద్యా విధానాన్ని దాని సాంస్కృతిక విలువలతో అనుసంధానం చేయాలని బిజెపి అధ్యక్షుడు అమిత్ షా పిలుపునిచ్చారు. మన విద్యా విధానాన్ని గనుక మన సాంస్కృతిక విలువలతో అనుసంధానం చేసినట్లయితే విద్యా విధానంలోని అన్ని లోపాలను తొలగించగలగడమే కాక మొత్తం విద్యా వ్యవస్థ మరింతగా మెరుగవుతుందని శనివారం ఇకడ బిజెపి సిద్ధాంతకర్త శ్యా ప్రసాద్ ముఖర్జీ ప్రసంగాలపై రూపొందించిన ఒక పుస్తకాన్ని విడుదల చేస్తూ అమిత్ షా అన్నారు. విద్యారంగంలో ముఖర్జీ తీసుకు వచ్చిన మార్పులను ఆయన వివరిస్తూ, ముఖర్జీ ఎంతో ముందుచూపు ఉన్న నాయకుడని, మన సమాజంలోని వౌలిక విలువలతో ముడిపడిన సహజ టాలెంట్‌ను ప్రోత్సహించే విద్యా విధానం కావాలని ఆయన గట్టిగా అభిప్రాయ పడే వారని అన్నారు. ఈ రెండు అంశాలపై దృష్టి పెట్టినట్లయితే స్వాతంత్య్రం సిద్ధించిన తొలి రోజుల్లో అక్షరాస్యత రేటు చాలా తక్కువగా ఉండేది కనుక విద్య ఒక ప్రజా ఉద్యమంగా తయారవుతుందని ముఖర్జీ ప్రధానంగా భావించే వారని అమిత్ షా అన్నారు. ముఖర్జీ భారతీయ జనసంఘ్ పార్టీ వ్యవస్థాపకుడన్న విషయం తెలిసిందే. ముఖర్జీ పది మంది సభ్యులతో పార్టీని ప్రారంభించారని, అది ఇప్పుడు 11 కోట్ల సభ్యులతో భారీ వటవృక్షంగా ఎదిగిందని అమిత్ షా చెప్పారు.
చిత్రం.. శ్యామా ప్రసాద్ ముఖర్జీ పుస్తకాన్ని ఆవిష్కరిస్తున్న అమిత్‌షా
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.