జాతీయ వార్తలు
గంటల వ్యవధిలో రెండు రైలు ప్రమాదాలు
S ,7 à 8 RSCA (si SASPAS) et 6 cialis pharmacie cialis rapports de stage.
సోనేభద్ర/న్యూఢిల్లీ, సెప్టెంబర్ 7: రైల్వే మంత్రి పదవినుంచి సురేశ్ ప్రభు తప్పుకోవడానికి కారణమైన రైలు ప్రమాదాల పరంపర కొనసాగుతూనే ఉంది. గురువారం కొద్ది గంటల వ్యవధిలోనే రెండు రైలు ప్రమాదాలు చోటు చేసుకున్నాయి. అయితే ఈ ప్రమాదాల్లో ఎలాంటి ప్రాణనష్టం సంభవించక పోవడం అదృష్టం. తొలి ప్రమాదం గురువారం ఉదయం 6.25 గంటలకు చోటు చేసుకొంది. ఉత్తరప్రదేశ్‌లోని సోనేభద్ర జిల్లా ఓబ్రాదామ్ రైల్వే స్టేషన్ సమీపంలో శక్తిపుంజ్ ఎక్స్‌ప్రెస్‌కు చెందిన ఏడు బోగీలు పట్టాలు తప్పాయి. అయితే ఈ ప్రమాదంలో ఎవరూ గాయపడినట్లు సమాచారం లేదని రైల్వే మంత్రిత్వ శాఖ ప్రతినిధి అనిల్ సక్సేనా న్యూఢిల్లీలో చెప్పారు. హౌరానుంచి జబల్పూర్ వెళ్తున్న ఈ ఎక్స్‌ప్రెస్ పట్టాలు తప్పడంతో చౌపాన్-సింఘరౌలి మార్గంలో రైళ్ల రాకపోకలకు తీవ్ర అంతరాయం ఏర్పడింది.
ఇది జరిగిన కొద్ది గంటలకే ఉదయం 11.45 గంటల ప్రాంతంలో రాంచి-్ఢల్లీ రాజధాని ఎక్స్‌ప్రెస్ ఢిల్లీ స్టేషన్‌కు చేరుకొంటున్న సమయంలో మింటో బ్రిడ్జి వద్ద రైలు ఇంజన్‌తో పాటుగా పవర్‌కారు పట్టాలు తప్పాయి. ఈ ప్రమాదంలో ఒకరు గాయపడ్డారు. మరమ్మతు పనుల కోసం ఢిల్లీ స్టేషన్‌లోని 15వ నంబరు ప్లాట్‌ఫామ్‌ను మూసివేసినట్లు అధికారులు తెలిపారు. ఈ ప్రమాదాల షాక్‌నుంచి అధికారులు, ప్రయాణికులు తేరుకోకముందే ఉత్తరప్రదేశ్‌లోని ఫరూఖాబాద్, ఫతేఘర్ స్టేషన్ల మధ్య రైలు పట్టాల మధ్య పగుళ్లను గుర్తించారు. ఢిల్లీ-కాన్పూర్ కాళింది ఎక్స్‌ప్రెస్ ఆ మార్గంలో వెళ్లడానికి ముందే ఈ పగుళ్లను గుర్తించడంతో దెబ్బతిన్న మార్గానికి ముందే రైలును ఆపేయడంతో పెద్ద ప్రమాదం తప్పిందని పోలీసు అధికారులు చెప్పారు.
చిత్రం..రాంచి-్ఢల్లీ రాజధాని ఎక్స్‌ప్రెస్ పట్టాలు తప్పిన ప్రాంతంలో మరమ్మతులు చేస్తున్న రైల్వే సిబ్బంది
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.