జాతీయ వార్తలు
ప్రతీకారం తీర్చుకోడానికి వస్తున్నాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 21: బాబ్రీ మసీదు కూల్చివేత, గుజరాత్ మారణహోమం, కాశ్మీర్, ముజఫర్‌నగర్‌లలోముస్లింలను చంపేసినందుకు భారత్‌పై ప్రతీకారం తీర్చుకోవడానికి కత్తులతో వస్తున్నామని ఇస్లామిక్ స్టేట్ ఉగ్రవాద సంస్థ తాజాగా విడుదల చేసిన ఓ వీడియోలో హెచ్చరించింది. ఆన్‌లైన్‌లో అరబిక్ భాషలో ఉంచిన 22 నిమిషాల నిడివి కలిగిన ఈ వీడియోలో భారత్‌నుంచి వచ్చిన ఐదుగురు వ్యక్తులు తమ సంస్థలో ఏయే హోదాలో ఉన్నారో కూడా వివరించింది. 2014నుంచి ఇరాక్, సిరియాలలో ఫైటర్‌గా కొనసాగుతున్న ఆ అయిదుగురి ఇంటర్వ్యూలను కూడా ఆ వీడియోలో ఉంచింది. శుక్రవారం ఉదయం ఈ వీడియో ఆన్‌లైన్‌లో దర్శనమిచ్చింది. భారత్, దక్షిణాసియాపై ప్రధానంగా దృష్టిపెట్టి ఐఎస్ ఉగ్రవాద సంస్థ విడుదల చేసిన తొలి వీడియో ఇదే కావడం గమనార్హం. ఈ వీడియోలో ఉన్న అయిదుగురు భారతీయుల్లో ఒకరిని మాత్రమే ఇప్పటివరకు గుర్తించారు. 2014లో మరో ముగ్గురితో కలిసి ముంబయినుంచి సిరియాకు వెళ్లిన ఠాణె కు చెందిన ఇంజనీరింగ్ విద్యార్థి ఫహాద్ తన్వీర్ షేక్ అబూ అమర్ అల్ హిందీ అనే మారు పేరుతో ఆ వీడియోలో మాట్లాడాడు. ఐఎస్‌లో చేరడానికి సిరియా వెళ్లి గత ఏడాది రఖ్ఖా బాంబు దాడిలో మృతి చెందిన తన మిత్రుడు షమీమ్ తంకికి షేక్ ఆ వీడియోలో నివాళి అర్పించాడు. ఈ గ్రూపులోని మూడో వ్యక్తి అరీబ్ మజీద్‌ను ప్రస్తుతం జాతీయ దర్యాప్తు సంస్థ( ఎన్‌ఐఏ) విచారిస్తోంది. బాబ్రీ మసీదు విధ్వంసం, గుజరాత్ మారణ కాండ, కాశ్మీర్, ముజఫర్‌నగర్ తదితర విధ్వంసకాండలకు ప్రతీకారం తీర్చుకోవడానికి వస్తున్నామని ఆ వీడియోలో అతను హెచ్చరించాడు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.