జాతీయ వార్తలు
మేజర్ ఉపాధ్యాయ్‌కు బెయిల్ మంజూరు
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, సెప్టెంబర్ 26: మాలెగావ్ పేలుళ్ల కేసులో నిందితుల్లో ఒకరయిన రిటైర్డ్ ఆర్మీ మేజర్ రమేశ్ ఉపాధ్యాయ్‌కు బాంబే హైకోర్టు మంగళవారం బెయిలు మంజూరు చేసింది. ఈ కేసులో మిగతా ప్రధాన నిందితులందరికీ హైకోర్టు, సుప్రీంకోర్టు బెయిలు మంజూరు చేసినందున న్యాయమూర్తులు రంజిత్ మోరే, సాధనా జాదవ్‌లతో కూడిన బెంచ్ ఉపాధ్యాయ్‌కు లక్ష రూపాయల వ్యక్తిగత బాండు, అంతే మొత్తానికి రెండు పూచీకత్తులపై బెయిలు మంజూరు చేసింది. జాతీయ దర్యాప్తు సంస్థ (ఎన్‌ఐఏ) తరఫు న్యాయవాది సందేశ్ పాటిల్ ఉపాధ్యాయ్ బెయిలు పిటిషన్‌ను వ్యతిరేకించగా, సమన్యాయం పాటించాలన్న సుప్రీంకోర్టు స్పష్టం చేసిన దృష్ట్యా తమ చేతులు కట్టేశారని న్యాయమూర్తులు వ్యాఖ్యానించారు. పేలుడులో ఉపాధ్యాయ్ పాత్ర, ఈ కేసులో ప్రధాన నిందితుడు, సుప్రీంకోర్టు గత ఆగస్టులో బెయిలు మంజూరు చేసిన లెఫ్టెనెంట్ కల్నల్ పురోహిత్‌కన్నా పెద్దదా? అని కూడా బెంచ్ ప్రశ్నించింది. దానికి కాదని ఉపాధ్యాయ్ తరఫు న్యాయవాది సమాధానమిచ్చారు. అంతేకాదు, పురోహిత్‌కు బెయిలు మంజూరయిందని కూడా ఆయన కోర్టుకు తెలిపారు. సమానన్యాయం ప్రాతిపదికపై ఈ కేసులో మరో ఇద్దరు నిందితులకు ట్రయల్ కోర్టు బెయిలు మంజూరు చేసిందని కూడా న్యాయవాది తెలిపారు. దీంతో బెంచ్ ఉపాధ్యాయ్‌కు బెయిలు మంజూరు చేసింది. 2008 సెప్టెంబర్ 28న మహారాష్టల్రోని మాలెగావ్‌లో జరిగిన బాంబు పేలుళ్లలో ఆరుగురు చనిపోగా, వందమందికి పైగా గాయపడిన విషయం తెలిసిందే.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.