జాతీయ వార్తలు
‘మత్తు’ వీడితేనే భవిత
S ,7 à 8 RSCA (si SASPAS) et 6 cialis pharmacie cialis rapports de stage.
హరిద్వార్, అక్టోబర్ 5: మద్యానికి యువత బానిస కావడంపట్ల ప్రధాని నరేంద్ర మోదీ తీవ్ర ఆవేదన వ్యక్తం చేశారు. ఈ మహమ్మారిని అదుపు చేయకపోతే రానున్న పాతికేళ్లలో సామాజిక పరిస్థితులు మరింత దుర్భరంగా మారతాయంటూ తీవ్ర స్థాయిలో హెచ్చరిక స్వరాన్ని వినిపించారు. హరిద్వార్‌కు చెందిన ఓ సామాజిక మత సంస్థ ఉమియా సంస్థాన్ సభ్యులనుద్దేశించి వీడియో కాన్ఫరెన్స్‌లో మాట్లాడిన మోదీ మద్యపానానికి యువత దూరం కావాలని స్పష్టం చేశారు. సామాజిక సమస్యలు తీర్చడంలో ఈ సంస్థాన్ చేస్తున్న ప్రయత్నాలను మోదీ ప్రశంసించారు. నవతరంలో మద్యపాన అలవాటు మాన్పించడానికి ఈ సంస్థ అత్యంత కీలకమైన పాత్రను పోషిస్తోందని, అదేవిధంగా పర్యావరణ పరిరక్షణ పారిశుధ్యం పట్ల కూడా అవగాహనను పెంపొందిస్తోందని తెలిపారు. తాను గుజరాత్ ముఖ్యమంత్రిగా ఉన్నప్పుడు అప్పట్లో సంభవించిన భూకంప బాధితులకు సహాయ సహకారాలను అందించడంలోనూ, భ్రూణ హత్యలను నివారించడంలోనూ ఈ సంస్థ చేసిన సేవలను మోదీ ఈ సందర్భంగా గుర్తుచేసుకున్నారు. నేటి యువత మద్యానికి బానిసలు కాకుండా వారిలో చైతన్యం తీసుకొచ్చే దిశగా మరింత కృషి చేయాలని ఈ సందర్భంగా పిలుపునిచ్చారు. ‘ఓ దేశ ప్రధానమంత్రిగా కాకుండా మీలో ఒకడిగా ఎదిగిన ఓ వ్యక్తిగా నేనీ విషయాన్ని చెబుతున్నాను. రోజువారీగా యువతలో పెరిగిపోతున్న మద్యపాన అలవాటుకు సంబంధించి పుంఖాను పుంఖాలుగా కథనాలు వస్తున్నాయి. ఇదే పరిస్థితి అడ్డూ అదుపూ లేకుండా కొనసాగితే పాతికేళ్లలో సామాజిక పరిస్థితులు దుర్భరమవుతాయి’ అని హెచ్చరించారు. గతంలో ఈ సంస్థ చేసిన సేవలను దృష్టిలో పెట్టుకునే నేటి యువతను కూడా సన్మార్గంలో పెట్టాలని మద్యపాన అలవాటు మానేలా చేయాలని తాను విజ్ఞప్తి చేస్తున్నానన్నారు.
చిత్రం..హరిద్వార్‌లోని సామాజిక మత సంస్థ ఉమియా సంస్థాన్ సభ్యులనుద్దేశించి వీడియో కాన్ఫరెన్స్‌లో మాట్లాడుతున్న ప్రధాని మోదీ
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.