జాతీయ వార్తలు
అమల్లోకొచ్చిన వికల్ప్
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మే 23: రైళ్లలో వెయిటింగ్ లిస్టులో ఉండి బెర్త్‌లు ఖరారుకాని ప్రయాణికుల కోసం ప్రయోగాత్మకంగా ప్రవేశపెట్టిన వికల్ప్ విధానం అమలులోకి వచ్చింది. బెర్తులు దక్కని ప్రయాణికుల కోసం సోమవారం నుంచి ప్రత్యామ్నయ రైళ్ల సదుపాయం కల్పిస్తున్నారు. ఐదు ప్రధాన రూట్లయిన హౌరా, ముంబయి, చెన్నై, బెంగళూరు, సికింద్రాబాద్‌లో తొలుత అమలు చేస్తున్నారు. ఈ సదుపాయం మెయిల్/ఎక్స్‌ప్రెస్, సూపర్‌ఫాస్ట్ రైళ్లలోనే లభ్యమవుతుంది. రాజధాని, శతాబ్ది, దురంతోల్లో వికల్ప్ సదుపాయం ఉండదు. ప్రయాణికులు టికెట్లు బుక్ చేసుకునే సమయంలోనే వికల్ప్ ఆప్షన్ చూపుతుంది. బెర్తులు ఖరారుకాని సందర్భంలో ప్రత్యామ్నాయ సదుపాయానికి సిద్ధమంటూ చాయిస్ ఇవ్వాల్సి ఉంటుంది. కేంద్ర రైల్వేబడ్జెట్ ప్రవేశపెట్టే సందర్భంలో మంత్రి సురేష్ ప్రభు వికల్ప్ పథకాన్ని ప్రకటించారు. ఒకసారి వికల్ప్ కింద బెర్తు ఖరారైతే మార్చుకోడానికి(మోడిఫై) చేసుకోవడాన్ని అనుమతించరు. అలాగే అదనపుచార్జీలు వసూలు చేయరు. చార్జీల్లో తేడాలున్నప్పటికి ఎలాంటి రిఫండ్ ఉండదు. వికల్ప్ సదుపాయాన్ని ఢిల్లీ- హౌరా, ఢిల్లీ- ముంబయి, ఢిల్లీ- చెన్నై, ఢిల్లీ- బెంగళూరు, ఢిల్లీ-సికింద్రాబాద్ మధ్య కల్పించారు. ఈ సదుపాయం ఇప్పటికే ఢిల్లీ-జముయా, ఢిల్లీ-లక్నో సెక్టార్‌లో అమలవుతోంది.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.