జాతీయ వార్తలు
పార్లమెంట్ అంటే అంత నిర్లక్ష్యమా?
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, నవంబర్ 14: ప్రధాన మంత్రి నరేంద్ర మోదీ నాయకత్వంలోని ఎన్‌డీయే ప్రభుత్వం పార్లమెంటు శీతాకాల సమావేశాలను నవంబర్‌లో నిర్వహించకుండా డిసెంబర్‌కు వాయిదా వేయటంతోపాటు సమావేశాల నిడివిని కుదించివేయటంపై రాష్టప్రతి రామ్‌నాథ్ కోవింద్‌కు ఫిర్యాదు చేయాలని ప్రతిపక్షాలు ఆలోచిస్తున్నాయి. ఎన్‌డీయే అధికారంలోకి వచ్చినప్పటినుండి పార్లమెంటు నిర్లక్ష్యానికి గురవుతోందని ప్రతిపక్షాలు భావిస్తున్నాయి. నరేంద్ర మోదీ ప్రభుత్వం ఒక వ్యూహం ప్రకారం పార్లమెంటు ప్రాధాన్యతను తగ్గిస్తోందన్నది ప్రతిపక్షాల ఆరోపణ. ప్రతి ఏడాది పార్లమెంటు మూడుసార్లు సమావేశం అవుతుంది. బడ్జెట్, వర్షాకాల, శీతాకాల సమావేశాలు నిర్ణీత తేదీలకు జరగటం అనేది స్వాతంత్య్రం వచ్చినప్పటి నుండీ జరుగుతోంది. బడ్జెట్ సమావేశాలు ఫిబ్రవరి, మార్చి, ఏప్రిల్ నెలల్లో రెండు విడతలుగా జరిగితే, వర్షాకాల సమావేశాలు జూలై, ఆగస్టు, శీతాకాల సమావేశాలు నవంబర్, డిసెంబర్ నెలల్లో జరగటం ఆనవాయితీ. ఈ మూడు విడతల సమావేశాల తేదీలు ఒకటి రెండు రోజులు అటుఇటు కావచ్చు కానీ నెలలు మారవు.
అయితే నరేంద్ర మోదీ ప్రభుత్వం ఈ సాంప్రదాయాన్ని తిరగరాస్తోందని ప్రతిపక్షాలు ఆరోపిస్తున్నాయి. పార్లమెంటు శీతాకాల సమావేశాలు నవంబర్ నాలుగో వారంలో ప్రారంభమై డిసెంబర్ మూడో వారంలో ముగియవలసి ఉండగా గుజరాత్ అసెంబ్లీ ఎన్నికలకోసం ఈ సమావేశాలను నవంబర్‌కు బదులు డిసెంబర్‌లో కేవలం పది రోజులు మాత్రమే నిర్వహించి చేతులు దులుపుకోవాలని బీజేపీ ప్రభుత్వం ఆలోచిస్తోందని ప్రతిపక్షాలు ఆరోపిస్తున్నాయి. సమావేశాలు నవంబర్‌లో ప్రారంభమైతే పెద్దనోట్ల రద్దు, జీఎస్‌టీపై ప్రతిపక్షాలు చర్చ జరిపి గుజరాత్‌లో తమ విజయావకాశాలను దెబ్బతీస్తాయని బీజేపీ భయపడిందనీ, అందుకే సమావేశాలను డిసెంబర్‌కు మార్చి నిడివిని కుదించిందని కాంగ్రెస్ ఆరోపిస్తోంది. ఈ విధంగా ఎన్‌డీయే ప్రభుత్వం పార్లమెంటరీ ప్రజాస్వామ్య వ్యవస్థను దెబ్బతీస్తోందనే విషయాన్ని రాష్టప్రతి రామ్‌నాథ్ కోవింద్ దృష్టికి తీసుకురావాలని ప్రతిపక్షం ఆలోచిస్తోంది. ఈ అంశంపై కాంగ్రెస్, సీపీఎం, సీపీఐ, జేడీ(యూ), ఆర్జేడీ, సమాజ్‌వాదీ, జేడీయస్ తదితర పార్టీల నాయకుల మధ్య చర్చలు జరుగుతున్నాయి. ఏకాభిప్రాయం కుదిరిన వెంటనే రాష్టప్రతి అప్పాయింట్‌మెంట్ తీసుకుంటారని కాంగ్రెస్ వర్గాలు వెల్లడించాయి.
బీజేపీ ప్రభుత్వం తమ రాజకీయ అవసరాలకోసం పార్లమెంటు ప్రతిష్ఠను దెబ్బతీస్తోంది కాబట్టే రాష్టప్రతి దృష్టికి ఈ విషయాన్ని తీసుకుపోవాలని ఆలోచిస్తున్నట్లు కాంగ్రెస్ సీనియర్ నాయకుడు ఆనంద్ శర్మ చెబుతున్నారు. ఉభయ కమ్యూనిస్టు పార్టీలు కూడా ఇదే అభిప్రాయాన్ని వ్యక్తం చేస్తున్నాయి. అయితే పార్లమెంటు సమావేశాల వాయిదాపై ప్రభుత్వం నుండి ఏదైనా ప్రకటన వస్తుందా లేదా అనేది వేచి చూసిన తరువాత రాష్టప్రతి అపాయింట్‌మెంట్ తీసుకుంటామని కాంగ్రెస్ నాయకులు చెబుతున్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.