జాతీయ వార్తలు
నా భర్తతోనే ఉంటా
S ,7 à 8 RSCA (si SASPAS) et 6 cialis pharmacie cialis rapports de stage.
కొట్టాయం, నవంబర్ 25: దేశ వ్యాప్తంగా సంచలనం రేకెత్తించిన లవ్ జిహాదీ కేసులో కొత్త ట్విస్ట్ చోటుచేసుకుంది. తాను భర్తతోనే ఉంటానని కేరళ యువతి హదియా వెల్లడించింది. ఈనెల 27న సుప్రీం కోర్టులో లవ్ జిహాదీ కేసుకు సంబంధించి సాక్ష్యం చెప్పడానికి ఆమె ఢిల్లీ బయలుదేరింది. తల్లిదండ్రులు, భద్రతా సిబ్బందితో నెడుంబస్సెరీ విమానాశ్రయానికి చేరుకున్న హదియా వాళ్లను వదిలేసి దూరంగా వచ్చి మీడియాతో మాట్లాడింది. ఈ సందర్భంగా కాస్త గందరగోళ పరిస్థితులు నెలకొన్నాయి. మీడియా ప్రతినిధులు ఆమె వద్దకు వెళ్లేందుకు ప్రయత్నించగా పోలీసులు జోక్యం చేసుకుని హదియాను విమానాశ్రయం లోనికి తీసుకెళ్లిపోయారు.‘నేను ముస్లింనే. ననె్నవరూ బలవంతపెట్టలేదు. నా భర్తతోనే ఉంటాను. మమ్మల్ని ఎవరూ వేరుచేయలేరు’అంటూ 25 ఏళ్ల హదియా బిగ్గరగా అరుస్తూ చెప్పింది. బురఖా వేసుకున్న ఆమె ఎయిర్‌పోర్టులోనికి వెళ్తూ ‘నా భర్త దగ్గరే ఉంటా’నని వెల్లడించింది. ఇస్లాం మతం తీసుకున్న కేరళ యువతి ముస్లిం యువకుడు షాఫిన్ జహాన్‌ను పెళ్లాడింది. అయితే ఆమెతో బలవంతగా మతమార్పిడి చేయించారన్న ఆరోపణలు వచ్చాయి. అంతేకాకుండా జహాన్‌కు కొన్ని రాడికల్ సంస్థలతో సంబంధాలున్నందున పెళ్లి కాస్తా వివాదం అయింది. సిరియా కేంద్రంగా పనిచేస్తున్న ఐఎస్‌ఐఎస్‌తో అతడికి సంబంధాలున్నట్టు ఆరోపణ. ఇందులో భాగంగానే హిందూ అమ్మాయిని ఇస్లాంలోకి మార్పించారని పోలీసులు పేర్కొన్నారు. ఇది ఎన్‌ఐఏ దర్యాప్తువరకూ వెళ్లింది. దీన్ని జహాన్ సుప్రీం కోర్టులో సవాల్ చేశాడు. ఎన్‌ఐఏ దర్యాప్తును రీకాల్ చేయాలంటూ సెప్టెంబర్ 20న పిటిషన్ వేశాడు. అలాగే పెళ్లిని కేరళ హైకోర్టు రద్దుచేయడాన్ని అతడు సవాల్ చేశాడు. మహిళ స్వేచ్ఛను హరించేలా హైకోర్టు తీర్పు ఉందని సుప్రీంకు తెలిపాడు. పిటిషన్‌ను విచారించిన సుప్రీం కోర్టు ప్రధాన న్యాయమూర్తి దీపక్ మిశ్రా నేతృత్వంలోని జస్టిస్ ఎఎం ఖన్విల్కర్, జస్టిస్ డివై చంద్రచూడ్‌తో కూడిన ధర్మాసనం యువతి తన ఇష్టపూర్వకంగానే పెళ్లి చేసుకుందా? లేదా విచారించాలని నిర్ణయించింది. ఈమేరకు అమ్మాయిని తమ మందు ప్రవేశపెట్టాలని ఆమె తండ్రి తరఫున్యాయవాది శ్యామ్‌దివాన్‌ను ఆదేశించింది. ఢిల్లీ వెళ్లిన హదియా, ఆమె తల్లిదండ్రులు కేరళ హౌస్‌లో బస చేయనున్నట్టు తెలిసింది. కాగా షాఫిన్ జహాన్ తరపున సీనియర్ అడ్వొకేట్ కపిల్ సిబాల్ వాదిస్తున్నారు.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.