జాతీయ వార్తలు
సీఆర్‌పీఎఫ్ క్యాంపులో జవాను కాల్పులు
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం టౌన్, డిసెంబర్ 9: ఛత్తీస్‌గఢ్‌లో ఘోరం జరిగింది. సీఆర్‌పీఎఫ్ క్యాంపులో తోటి అధికారులు, సిబ్బందిపై జవాను విచక్షణారహితంగా జరిపిన కాల్పుల్లో ఇద్దరు ఎస్సైలు సహా నలుగురు మృతిచెందారు. అందరూ క్యాంప్‌లో ఉన్న సమయంలో భీకరమైన కాల్పులతో జవాన్ విరుచుకుపడ్డాడు. కాల్పుల్లో ఇద్దరు ఎస్సైలు సహా మొత్తం నలుగురు సిబ్బంది అక్కడికక్కడే మృతి చెందారు. కాల్పుల్లో తీవ్రంగా గాయపడిన ఏఎస్సై పరిస్థితి విషమంగా ఉన్నట్లు తెలిసింది. ఛత్తీస్‌గఢ్‌లోని బీజాపూర్ జిల్లా బాసగూడ పోలీసుస్టేషన్ పరిధిలో ఉన్న 168 సీఆర్‌పీఎఫ్ బెటాలియన్ క్యాంపులో ఘటన చోటు చేసుకుంది. శనివారం సాయంత్రం 5 గంటల సమయంలో క్యాంపులో జవాన్‌గా పని చేస్తున్న శాంత్‌కుమార్ తన సర్వీస్ వెపన్ ఏకే 47తో వివక్షణారహితంగా కాల్పులు జరిపాడు. మొదట క్యాంపులో ఎస్‌ఐలుగా పని చేస్తున్న విక్కీ శర్మ, మేఘ సింగ్‌లపై
కాల్పులకు దిగాడు. వారు అక్కడికక్కడే మృతిచెందారు. అనంతరం ఉద్రేకంతో తోటి సిబ్బందిపై జవాన్ కాల్పులకు తెగబడ్డాడు. ఈ క్రమంలో ఈ కాల్పుల్లో ఏఎస్‌ఐ రజ్బీర్‌సింగ్, కానిస్టేబుల్ జీఎస్ రావు ప్రాణాలు కోల్పోయారు. కాల్పుల శబ్దాలు విని పరుగెత్తుకొచ్చిన మరో ఎస్‌ఐ గజ్‌నంద్‌పై సైతం జవాను శాంత్‌కుమార్ కాల్పులకు దిగాడు. గజ్‌నంద్‌కు తీవ్ర గాయాలయ్యాయి. ప్రాథమిక చికిత్స అనంతరం పరిస్థితి విషమంగా ఉండటంతో ప్రత్యేక హెలీకాప్టర్‌లో రాయపూర్ తరలించారు. కాల్పుల ఘటనను దంతెవాడ డిప్యూటీ ఇన్స్‌పెక్టర్ జనరల్ ఆఫ్ పోలీసు సుందర్‌రాజ్ పి.వాసు ధ్రువీకరించారు. జవాన్ ఏ కారణంతో ఈ దుశ్చర్యకు పాల్పడ్డాడనే దానిపై సమాచారం లేదు. కాగా కొంతకాలంగా మావోయిస్టుల ఏరివేత కోసం ఈ రాష్ట్రంలో సీఆర్‌పీఎఫ్ క్యాంపులను ఏర్పాటు చేశారు. నిత్యం కూంబింగ్‌లు, ఆపరేషన్లతో క్యాంపుల్లో పని చేస్తున్న సిబ్బంది ఇబ్బందులు పడుతున్నట్లు తెలుస్తోంది. జవాన్లు సెలవులు అడిగితే ఉన్నతాధికారులు ఇవ్వకపోవడం, వారిపై మరింత ఒత్తిడి పెంచడం వంటి చర్యలతో జవాన్లు మానసికంగా కుంగిపోతున్నట్లు సమాచారం. ఈ నేపథ్యంలో తీవ్ర మానసిక ఒత్తిడికి గురై ఇటువంటి ఘటనలకు పాల్పడుతున్నట్లు తెలుస్తోంది. గతంలోనూ సీఆర్‌పీఎఫ్ క్యాంపులో ఇటువంటి దారుణాలు చోటు చేసుకున్నా ఈ స్థాయిలో ప్రాణనష్టం జరగలేదు. పలు సందర్భాల్లో సెలవులు కోరుతూ సిబ్బంది విన్నవించుకున్నా నెలల తరబడి నాన్చుతూ ఉన్నతాధికారులు ప్రవర్తించడంతో ఇటువంటి ఘటనలు తరుచూ జరుగుతున్నట్లు ఆరోపణలు వస్తున్నాయి.
చిత్రం..కాల్పుల్లో మృతి చెందిన ఎస్‌ఐలు, ఏఎస్‌ఐ. గాయపడిన ఎస్‌ఐ గజ్‌నంద్
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.