జాతీయ వార్తలు
71వ ఏట సోనియా
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, డిసెంబర్ 9: కాంగ్రెస్ అధ్యక్షురాలు సోనియాగాంధీ 71వ సంవత్సరంలోకి అడుగుపెట్టారు. 19 ఏళ్లపాటు కాంగ్రెస్ పార్టీకి సారథ్యం వహించిన సోనియా తన కుమారుడు రాహుల్ గాంధీకి పగ్గాలు అప్పగించాలని నిర్ణయించుకున్నారు. త్వరలోనే రాహుల్ పట్ట్భాషేకం జరగనుంది. సోనియాకు అనేకమంది ప్రముఖులు జన్మదిన శుభాకాంక్షలు తెలిపారు. ప్రధాని నరేంద్ర మోదీ ఓ సందేశంలో సోనియాకు జన్మదిన శుభాకాంక్షలు తెలిపారు. ఆయురారోగ్యం, సుఖఃసంతోషాలతో జీవించాలని మోదీ ఆకాంక్షిస్తూ ట్వీట్ చేశారు. రాజ్యసభలో ప్రతిపక్ష నేత గులాం నబీ ఆజాద్, లోక్‌సభలో కాంగ్రెస్ పక్ష నేత మల్లిఖార్జున ఖర్గే, పలువురు సీనియర్ నేతలు, మాజీ మంత్రులు ప్రియతమ నాయకురాలికి శుభాకాంక్షలు తెలిపారు. సోనియా నివాసం టెన్త్ జనపథ్ వెలుపల శనివారం ఉదయం నుంచే సందడి వాతావరణం నెలకొంది. పార్టీ కార్యకర్తలు డ్రమ్ములు వాయిస్తూ నృత్యం చేశారు. సోనియా పోస్టర్లను చేతబూని సంతోషం వ్యక్తం చేశారు. ఉత్తరాఖండ్ మాజీ సీఎం హరీశ్‌రావత్ టెన్త్ జనపథ్ వద్ద జానపద నృత్యం చేస్తూ హల్‌చల్ చేశారు. మాజీ ముఖ్యమంత్రులు షీలా దీక్షిత్, భూపేందర్ సింగ్ హుడా, మాజీ కేంద్ర మంత్రులు ఆనంద్ శర్మ, జ్యోతిరాదిత్య సింధియా, ఆర్‌పిఎన్ సింగ్, పార్టీ ప్రధాన కార్యదర్శులు జనార్దన్ ద్వివేది, అంబికా సోని, మదన్ ప్రకాశ్ హాజరయ్యారు. మధ్యప్రదేశ్ సీఎం శివరాజ్‌సింగ్ చౌహాన్, కాంగ్రెస్ గుజరాత్ ఇన్‌చార్జి అశోక్ గెహ్లాట్ సోనియాకు బర్త్‌డే విషెస్ తెలిపారు.
చిత్రం..కాంగ్రెస్ అధ్యక్షురాలు సోనియా గాంధీ జన్మదినోత్సవం సదర్భంగా ఢిల్లీలోని
ఆమె నివాసానికి తరలివస్తున్న కాంగ్రెస్ శ్రేణులు, అభిమానులు
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.